Jahkásaš iežasoassi
Ruoŧas lea jahkásaš iežasoassi gustovaš, dat mearkkaša ahte buohccedikšu, bátnedikšu, mátkkit (sierrá lágan dearvvašvuođabálvalusaide ja dearvvašvuođabálvalusain) ja dálkasat šaddet priváhtaolbmui hálbbit go son lea máksán goluid vissis submi badjel. Nu ahte vuogádat doaibmá dálkkasgoluid ektui de lea diehtovuođus dieđut juohke oktagasa dálkkasgoluid birra.
Mii lea jahkásaš iežasoassi?
Jahkásaš iežasoassi lea lágas mearriduvvon ovdu. Dát ovdu mearkkaša ahte dálkkasgolut unnot sutnje geas lea riekti oažžut ovddu ja jus sus lea dálkkasreseaptta čállojuvvon Ruoŧas. Dus lea riekti oažžut jahkásaš iežasoasi jus ásat Ruoŧas. Dieđut buohccedivššu ja bátnedivššu jahkásaš iežasoasi birra, geahča sullasaš dieđuid vuolde. (ruo. relaterad information).
Olbmot, geat bohtet EES-guovllus ja Sveiccas, sis leat muhtin dilis riekti oažžut jahkásaš iežasoasi go sii leat Ruoŧas. Maiddái olbmot geat eai ása Ruoŧas, muhto sis lea virgi dáppe, sis lea maid riekti oažžut eanas osiid jahkásaš iežasoasis.
Du reseaptadálkkasgolut unnot dađi mielde ovtta áigodagas. Okta áigodat bistá 12 mánu. Ovtta áigodagas don it goassege mávsse eanet go 2 850 kr. Go dat oktiibuot dálkkasgollu lea 6 994 kr, ovdal hálbbideami, de don leat ieš máksán 2 850 kr. Dalle don oaččut friddjakoartta, mii lea gustovaš gitta dat álggahuvvon 12- mánnoáigodat lea nohkkan.
Jahkemolsašumis ráđđehus mearridii loktet ruhtameari (ruo. prisbasbelopp), 52 500 kr dásis gitta 57 300 kr dássái. 1. b ođđajagemánus 2024 loktanii maid mearri jahkásaš iežasoassi dálkasiidda, 2 600 kr dásis gitta 2 850 kr dássái.