Šukar aljan ki E-hälsomyndigheten (Elektronsko sastipasi institucija)
O E-hälsomyndigheten tano jekh zdravstveno institucija koja isila buti te digitalizujini hem te čerel pošukar o informacije maškaro pacijenti, sastipase centrija arakhibe hem apoteke ki Švedska.
Amen nudina razna elektronska sastipase usluge hem digitalna rešenja privatna manušendže ama hem okoljendže kola čerena buti ko zdravstvena hem socijalna institucije. Najpendžarde tane o E-recepttjänsten [Elektronsko servis receptendže] hem o Covidbevis (Dokaz andi vakcinacija protiv o kovid.
O E-hälsomyndigheten čerela akava
O E-hälsomyndigheten čerela razna buča. Akate tane disave primerija:
- Amen realizujina e Vladako uložibe ko elektronsko sastipe.
- Amen šparina sa o digitalna receptija kotar lekarija hem bičhala ljen ko apoteke.
- Amen isimen jekh usluga koja vičini pe Läkemedelskollen [Proveribe o iljačija]. Šaj te ulogujine tut hem te dikhe informacija kola iljačija dobijan ko recepti. Šaj hem te dikhe ked šaj te dobine i frikort e iljačendže. Ked dobineja i frikort, na valjani te platine te lekija ko jekh periodi.
- Amen čeda o informacije ando odova kobor hem kola iljačija biknena pe ki Švedska.
- Amen nudina jekh usluga koja vičini pe Elektroniskt expertstöd [Elektronsko ekspertno podrška] koja pomožini okoljendže kola čerena buti ki apoteka te proverinen da li teklje iljačija delujinena ked ljena pe kotar jekhvar.
Amari buti
O E-hälsomyndigheten koordinišini e Vladako uložibe ko e-sastipe hem pratini sar razvijinena pe o buča ko elektronsko sastipase ko državno hem ko internacionalno nivo. Amen hijam odgovorna hem te registrujina hem sa o digitalna funkcije kola o privatna manuša, e sastipase radnikija hem o apoteke koristinena.
Soj tano o e-sastipe?
O e-sastipe tano ando koristibe o digitalna alatija te šaj te razmeninen pe o informacija ando sastipe. O manuša kola čerena buti ko apoteke hem ko sastipase centrija, koristininena odola alatija svako dive. Sar privatno manuš isi tu korist ando e-sastipe ked, sar ko primer, zakazineja o termini ko doktori prekalo internet, ked koristineja jekh aplikacija te šaj te pratine te nalazija ja ked valjani te lje jekh e-recepti kova digitalno bičhalji pe ki ti apoteka.
Kontaktirin amen
Da lji isi tu pučiba andi amari buti?
Šaj te vičine ko 010-458 62 00. Puč koj tano o registrator.
Šaj hem te bičhalje mejl ko registrator@ehalsomyndigheten.se.
Te mangeja te bičhalje obično ljil, koristin akija adresa:
E-hälsomyndigheten
Box 913
392 31 Kalmar
Sar jekh institucija amen mora te ičeramen ko disave pravilija, takozvana javna principija. Odova značini so odova so bičhaljeja amendže šaj te ovel javno.
Ko primer, te pisijan amendže jekh ljil, avera manuša šaj te roden te čitinen lje.