Arakhiba taro bare trošakia
Ki Švedia isi diso kaske vakerelape arakhiba taro bare trošakia so značinela so tu sar privatno manuš ka dobine potikni cena ko sastipaskoro arakhiba, stomatološko nega, prevoz nasvalenge hem iljačia prema odredimi cena. Či o sistemi ka funkcirinel, keda kerelape lafi taro iljačengere trošakia, isi baza podatkonge bašo bare trošakia, e informaciencar kobor sako manuš platindža.
So značinela arakhiba taro bare trošakia?
O arakhiba taro bare trošakia tani jekh povolno ponuda so regulirinelape ko kanuni. O arakhiba značinela so e iljačengere trošakia tiknjakerenape e manušenge kas isi hako naknadenge receptenge dende ki Švedia. Isi tut hako arakhibaske taro bare trošakia te bešea ki Švedia. Informaciake bašo arakhiba taro bare trošakia sastljaribaske hem stomatološko nega, dikh Relaterad information.
E manušen taro EES-thana hem Švarcaria isi telo disave okolnostia hako bašo arakhiba taro bare trošakia dži kote tane ki Švedia. Hem o manuša so tane zaposlime ki Švedia, ama na bešena akate, isi olen hako ko pobut kotora ko arakhiba taro bare trošakia.
Tle trošakia e iljačenge ko recepti postepeno tiknardžona telo dešudujmasekongoro periodi. Telo akava periodi nae niked te platine pobut taro 2 850 krune. Keda e ukupno iljačengere trošakia angleder o popust tane 6 994 krune, korkoro planindžan 2 850 krune. Tegani dobinea bizi platibaskiri karta bašo o avutno dešudujmasekongoro periodi.
Ko 1 januari 2024 bajrardžape i granica e bare trošibaskiri granica iljačenge taro 2 600 krune ko 2 850 krune. Odova zavisinela sebepi so i temelno cenakiri baza ukljarelape taro 52 500 krune ko 57 300 krune pri beršeskoro meniba.