Dálkasiid viežžan soames earái
Dutnje gii viežžat dálkasiid soames earái dehe sállet soames eará viežžat iežat dálkasiid.
Váldegirjji addin
Don sáhtát sállet soames eará viežžat iežat dálkasiid dutnje. Dat gohčoduvvo váldegirjin. Don gii attát váldegirjji leat váldegirjjiaddi ja don gii oaččut váldegirjji leat áirras( váldegirjjieaiggát). Geassemánu 1.beaivve 2020 váldo atnui ođđa gieđahallan mii váikkuha váldegirjái mii dárbbahuvvo vai bastá viežžat soames eará dálkasa apotehkas. Rievdadeami dárkkuhus lea lasidit buohccesihkarvuođa ja nannet suoji persovdnadieđuid gieđahallamis.
Ná dát váikkuha dutnje
Geassemánu 1. beaivve 2020 rájis:
lea vuoimmis váldegirji mas guhkimus njeallje jagi
don dárbbahat guođđit iežat dohkkeheamidu persovdnadieđuid registreremii, beroškeahttáleatgo váldegirjjiaddi dehe áirras.
Vuoimmisleahkináigi
Váldegirjji vuoimmisleahkináigi rehkenasto das go don áirrasin leat guođđán iežat dohkkehami. Jus don juo leat guođđán dohkkeheami goas váldegirjjigieđahallan rievdá vuoimmisleahkináigi rehkenasto geassemánu 1. beaivve 2020 rájis.
Dohkkeheapmi
Geassemánu 1.beaivve 2020 váldo atnui ođđa gieđahallan mii váikkuha váldegirjái mii dárbbahuvvo vai bastá viežžat soames eará dálkasa apoteahkas. Diehtosuodjemearrádusa jelgii(GDPR) don fertet guođđit doahkkeheami persovdnadieđuid registreremii, sihke leatgo váldegirjjiaddi ahte leatgo áirras. Don gii leat áirras dárbbahat guođđit dohkkeheami juogo čieža beaivvi siste váldegirjji ođđaregistreremis vai dat galgá leat vuoimmis, dehe maŋemus ođđajagimánu 31. beaivve 2021váldegirji lea juo registrerejuvvon go dat ođđa váldegirjegieđahallan boahtá vuoibmái, muđui váldegirji heaittihuvvo.
Registrere váldegirjji ja guođe dohkkeheami digitálalččat
Don sáhtát registreret váldegirjji eará priváhttaolbmui ja guođđit dohkkeheami digitálalaččat Läkemedelskollen bálvalusa bakte.
Registrere váldegirjji ja guođe dohkkeheami Läkemedelskollenis
(Bálvalus lea fállamis beare ruoŧagillii)
Don sáhtát maid doaimmahit dáid áššiid čállimiin sisa 1177.sei ja deaddilit liŋkka läkemedelstjänster
Diehtojuohkin fállojuvvo beare ruoŧagillii.
Bálvalus lea maid buot apoteahkain.
Registrere váldegirjji ja guođe dohkkeheami eŋgelasgillii
Jus háliidat registreret váldegirjji eŋgelasgillii sáhtát geavtit skovi.
Registrere váldegirjji ja guođe dohkkeheami eŋkelasgielatskoavi vehkiin
Jus dus leat jearaldagat? Váldde aktavuođa E- dearvvasvuođaeiseválddiin
Telefovdna: 0771-766 200
E-poasta: registrator@ehalsomyndigheten.se