Te vazdenpe iljačia avereske
Tuke so vazdea iljačia avereske ja dea avereske hako te vazdel tle iljačia.
Te delpe punomoštvo
Tu šaj te de hako disave avere manušeske te vazdel tle iljačia. Odoleske vakerelape te delpe punomoštvo.
Tu so dea punomoštvo sian punomoštvoskoro dejdžia, hem tu so lea o punomoštvo sian zastupniko (punomoštvoskoro lejdžia).
Taro 1 juni 2020 ka uvedinelpe nevo rukovodibe so ka poremetinel o punomoštvo so ka valjani keda ka vazdenpe avereskere iljačia ki apoteka.
E menibaskoro cili tano te vazdelpe e pacienteskoro siguriba hem te zorarel o arakhibe pri razmatribe o lično informacie.
Adžahar ka deluinel upro tute
Taro 1 juni 2020:
jekh punomoštvo važinela hembut štar berš
te valjani te de tlo soglasibe registriribaske tle lično informacie, bizo obzir te sian punomoštvoskoro dejdžia ja zastupniko.
Važibaskoro vakti
Važibaskoro vakti bašo punomoštvo računinelape keda tu sar zastupniko dea tlo soglasibe. Te već dindžan tlo soglasibe keda e punomoštvoskoro rukovodibe meninelape, e važibaskoro vakti ka računinelpe taro 1 juni 2020.
Soglasibe
Taro 1 juni 2020 ka uvodina nevo rukovodibe so deluinela ko punomoštvo so ka valjanel či te šaj te vezdenpe avereskere iljačia ki apoteka. Prema i uredba zaštitibaske o informacie ko kompjuteria (GDPR) valjani te predaine soglasibe registriribaske o lično informacie, te sian hem punomoštvoskoro dejdžia hem te sian zastupniko. Tu so sian zastupniko ka valjani te de tlo soglasibe ja ko roko evta divenge taro o nevo punomoštvoskoro registriribe či te šaj te važinel, ja hemharimo taro 31 januari 2021 te več isi jekh registririmo punomoštvo keda o nevo punomoštvoskoro rukovodibe podžinela te važinel, inače o punomoštvo ka čhinavelpe.
Registririn punomoštvo hem de digitalno soglasibe
Tu šaj te registririne jekh punomoštvo avere privatno manušeske hem te de digitalno soglasibe prema i služba Läkemedelskollen.
Registririn o punomoštvo hem de soglasibe ko Läkemedelskollen
(I služba tani dostupno sade ko švedikane)
Isto šaj te obavine akala buča so šaj te logirine ko 1177.se hem te sledine i linka läkemedeltjänster.
I informacia tani dostupno sade ko švedikane
I služba isto isi ko sa o apoteke.
Registririn punomoštvo hem de soglasibe ko anglikane
Te mangljan te registririne punomoštvo ko anglikane šaj te koristine jekh blanketa.
Registririn o punomoštvo hem de soglasibe e blanketaja ko anglikane
Isi tut pučibaske? Kontaktirin E - organ uprava sastipeske
Telefoni: 0771-766 200
E-pošta: registrator@ehalsomyndigheten.se