Bures boahtin E‑hälsomyndigheten (E‑dearvvašvuođaeiseváldái)
E‑hälsomyndigheten lea eiseváldi. Eiseválddi bargu lea ovddidit digitaliserema ja buoridit diehtojuohkima pasieanttaid, buohccedivššu, fuolahusa ja apotehkaid gaskkas Ruoŧas.
Mii dárjut moadde e-dearvvašvuođabálvalusaid ja digitála čovdosiid priváhtaolbmuide ja sidjiide geat barget dearvvašvuođa- ja buohccedivššus ja sosiálabálvalusas. E-recepttjänsten [E-reseaptabálvalus] ja Covidbevis [Koronaduođaštus] leat dovddus bálvalusat.
E‑hälsomyndigheten bargu
E-hälsomyndigheten leat máŋga sierralágan barggut, earet eará:
- Mii duohtandahkat ráđđehusa doaibmabijuid e-dearvvašvuođa ektui.
- Mii vurket doaktáriid digitála reseapttaid ja mii sáddet daid reseapttaid apoteahkaide.
- Mii dárjut bálvalusa Läkemedelskollen [Dálkkasdárkkisteapmi]. Dálkkasdárkkisteami neahttasiiddus don gávnnat dieđuid omd dán ášši birra, maid dálkasiid doavttir lea čállán du reseptii. Lea maid vejolaš oaidnit goas dus lea vejolašvuohta oažžut friddjakoartta dálkasiid oastimii. Go don oaččut friddjakoartta de don oaččut dálkasiid nuvttá vissis áigái.
- Mii čohkket dieđuid daid čuovvovaš áššiid birra: man olu dálkasat ja mat dálkasat vuvdot Ruoŧas.
- Mii dárjut bálvalusa Elektroniskt expertstöd [elektronalaš ekspearttadoarjja] mii veahkeha mielbargiid apotehkain dárkkistit jus du dálkasat doibmet ovttas.
Min bargu
E-hälsomyndigheten ovttastahttá ráđđehusa e-dearvvašvuođa doaibmabijuid ja čuovvu našuvnnalaš ja riikkaidgaskasaš ovdáneami e-dearvvašvuođasuorggis. Registariid ja IT-funkšuvnnaid, maid priváhtaolbmot, dikšoaddit ja apotehkat geavahit, leat maiddái min ovddasvástádus.
Mii lea e-dearvvašvuohta?
E-dearvvašvuođa ulbmil lea geavahit digitála reaidduid gaskkustit dieđuid dearvvašvuođa birra. Sii geat barget apotehkain ja buohccedivššus geavahit beaivválaččat digitála reaidduid. E-dearvvašvuohta lea ávkin priváhtaolbmui, omd go várret doaktáráiggi neahtta bokte, go geavahat áppa čuovvun dihte du mihttoárvvuid dahje go don vieččat e-reseaptta mii sáddejuvvo du apotehkii digitálalaš hámis.
Váldde oktavuođa minguin
Leatgo dus jearaldagat min doaimma birra?
Riŋges dán nummárii 010-458 62 00. Oza bargi gii registrere doaimmaid.
Lea maid vejolaš sáddet e-poastta dán čujuhussii: registrator@ehalsomyndigheten.se
Jus don háliidat sáddet reivve de lea čujuhus:
E-hälsomyndigheten
Box 913
392 31 Kalmar
Eiseválddit fertejit čuovvut almmolašvuođaprinsihppa, ja nu maiddái mii dahkat. Dat mearkkaša ahte buot áššiid, maid don sáddet eiseváldái, leat almmolaš áššit. Dat mearkkaša ovdamearkka dihte ahte jus don sáddet midjiide reivve de earáin lea vejolašvuohta lohkat dan maid, jus sii háliidit.