Ette noutaa ulos lääkheitä jollekki muule

Sulle joka nouat ulos lääkheitä jollekki muule elikkä annat jollekki muule oikeuen ette noutaa ulos sinun lääkheet.

Ette antaa fulmahin

Sie saatat antaa jollekki muule henkilölle oikeuen ette noutaa ulos sinun lääkheet sulle. Sitä kuttuthaan fulmahiksi.

Sie joka annat fulmahin olet fulmahinantaja, ja sie joka saat fulmahin olet asiamies (fulmahin vasthaanottaja).

1 kesäkuuta 2020 laitethaan uusi hantteeraus joka vaikuttaa sitä fulmahtia jotako tarvithaan ette pystyä nouthaan ulos jonku muun lääkheitä aputeekistä.

Tarkotus muutoksen kansa oon ette lisätä potilasturvaa ja vahvistaa suojaa ko käsitelthään henkilötietoja. 

Näin tämä vaikuttaa sinua. 

1 kesäkuusta 2020 lähtien:

yks fulmahti ei jällaa pitempää aikaa ko neljä vuotta

sie tarttet jättää sinun suostumisen sinun henkilötioitten rekistreeraamisheen, riippumatta jos sie olet fulmahinantaja elikkä asiamies.

Voimassaoloaika

Voimassaoloaika fulmahille räknäthään siittä asti ko sie asiamiehenä olet jättäny sinun suostumisen. Jos sie olet jättäny jo suostumisen ko fulmahinhantteerausta muutethaan niin voimassaoloaika räknäthään 1 kesäkuusta 2020 lähtien. 

Suostuminen

1 kesäkuusta 2020 lähtien met alotamma uuen hantteerauksen joka vaikuttaa sitä fulmahtia jotako tarttee ette saattaa noutaa ulos jonku muun lääkheet aputeekistä. Taattasuojelulain (GDPR) mukhaan sie piät antaa suostumisen ette rekistreerathaan henkilötiot, jos sie olet sekä fulmahinantaja ette asiamies. Sie joka olet asiamies piät antaa sinun suostumisen joko seittemän kalenteripäivän sisäle ko fulmahti oon uusrekistreerattu, ette se alkaa jällaahmaan, elikkä viimisthääns 31 tammikuuta 2021 jos yks fulmahti oon jo rekistreerattu ko uusi fulmahinhantteeraus alkaa jällaahmaan, muuten fulmahti lopetethaan.   

Rekistreeraa fulmahti ja jätä suostuminen tikitaalisti

Sie saatat rekistreerata fulmahin muule privattihenkilölle ja jättää suostumisen tikitaalisti palvelun kautta nimeltä  Lääkekolli/Läkemedelskollen.

Rekistreeraa fulmahti ja jätä suostuminen Lääkekollissa/Läkemedelskollen.

(Palvelua oon vain saatavissa ruottiksi.)

Sie saatat kansa toimittaa näitä asioita lokkaamalla sisäle 1177.se ja  klikkaamalla länkkiä lääkepalveluita/läkemedelstjänster. 

Informasuunia oon vain saatavissa ruottiksi.

Palvelua löytyy joka aputeekissä.

Rekistreeraa fulmahti ja jätä suostuminen englantinkielelä

Jos sie halvaat rekistreerata fulmahin englantinkielelä sie saatat käyttää planketin

Onkos sulla kysymyksiä? Ota yhtheyttä E-terhveysviraston kansa:

Telefooni: 0771-766 200

E-posti: registrator@ehalsomyndigheten.se

Fulmahista ruottiksi