Pučiba hem odgovoria

Akate ka arakhe o hemobično pučiba so amen dobinaja.

Mora li te ovel man jekh Kovid dokaz či te podžinav ko drumo?

Na, o Kovid dokaz nae nisavo zahtev te džalpe mo drumo ko EU. O digitalnikano vakcinakoro dokaz, so ki Švedia akharelape Kovid potvrda, buvljarelape či te lokhljarelpe o džajba drumo ko avera EU- phuvlja. 

Ko vebthan ki Javno organ uprava sastipaske isi informacie tuke so planirinea te cide ko drumo.

Disave phuvja zahtevinena jekh potvrda so nae tut kovid-19 či te šaj te khuve ki phuv. Avera phuvja  zahtevinena jekh potvrda či olengere državjania šaj te iranenpe khere bizo te bešen ki karantina. Razno phuvja rodena različito vrste potvrde, odoleske valjani te ove informirimo so važinela ki odoja phuv so ka vizitarine.

Sar jekhto rode informarmacie bašo stransko phuvjakoro vizitariba ko Ministeriumo bašo avrune buča (UD). Ko ambasadengoro vebthan Sweden Abroad isi informacie bašo odredbe ko razno phuvja. Ki aplikacia resklar ko Ministeriumo bašo avrune buča kerela pokolaj te dodžane so važinela tle drumoske.

 

Keda isi šaipe te dobinelpe Kovid potvrda?

E- organ uprava sastipaske planirinela te phravel i e-služba Kovid potvrda taro 1 juli.

 

Sar džala i procedura dobibaske Kovid potvrda?

I E- organ uprava sastipaske tani odgovorno baši i e-služba Kovid- potvrda hem te izdavinel vakcinakoro dokaz.

O Regionia tane odgovorno so o izvršime vakcinacie tane prijavime ko Nacionalnikano vakcinengoro registari (NVR) ki Javno organ uprava sastipaske. Naručibaja jekh vakcinakoro dokaz ki e-služba o gradžani rodela jekh izvod taro NVR, hem odova tano podlog e Kovid potvrdake.

I Kovid potvrda bičhavelape automatsko ko tlo digitalnikano poštakoro sanduko. Šaj te nabavine akate te nae tut digitalnikano poštakoro  sanduko. I Kovid potvrda isto šaj te šparinelpe hem te printinelpe. 

 

So pripadinela ki Kovid potvrda? Šaj te dobinav testiribaskoro dokaz hem sastljaribaskoro dokaz ki e-služba?

Ki i jekhto verzia tari e-služba Kovid potvrda pripadinela sade dokaz so sian vakcirimo protiv kovid -19.

Kerelape buti či hem jekh dokaz ko jekh negativno kovid-19-testi ja dokaz sastljaribaske, ka pripadinel prema i avutni EU- uredba. Sastljaribaja mangela te vakerelpe so šaj te sikavelpe jekh pozitivno kovid-19-testi so ljiljape taro e sastipaskoro – hem nasvalipaskoro personali hemhari angleder deš dive.

 

Kote sikavava mli Kovid potvrda?

I Kovid potvrda šaj te sikavelpe ko granicakoro nakhiba keribaja ID-kontrola. I Kovid potvrda nekh ovel tuke pristupno telo tlo soro drumo.

De tut godi so angleder te cide ko drumo te šaj te proverine so važinela odole phujake so ka vizitarine. Le i aplikacia UD Resklar dobibaske aktuelno informacia tle drumoske. Isto hem e ambasaden isi aktuelno drumoskiri informacia ko Sweden Abroad.

 

So valjani mange či te dobinav mli Kovid potvrda?

Taro 1 juli uključinelape jekh dokaz vakcinake protiv kovid-19 ki e-služba Kovid potvrda. Či te šaj te ikaljelpe jekh digitalnikani Kovid potvrda ka valjani te ove vakcinirimo protiv -19. Či te šaj te uključine tut ki e-služba valjani tuke švedikani e-legitimacia.

Te nae tut e-legitimacia, šaj te nabavine ko Skaffa e-legitimation

Odole manuše kas nae jekh važimi e-legitimaci šaj te ovel šaipa te rodel jekh Kovid potvrda taro 1 juli. Ama mora te ovel tut jekh švedikano matično gendo hem džandžolape, so sian vakcirimo.

Taro 1 juli šaj te rode ki E- organ uprava sastipaske – jekh blanketa soglasibaske ka ovel dostupno ko vebthan ko E - organ uprava sastipaske. Tegani tli Kovid potvrda ko lil bičhaldi ki tli adresa prema tli matično evidenci. (Našti te rodelpe ja te dobinelpe tli Kovid potvrda angleder sebepi o EU- uredbe ka valjani te primeninenpe taro o 1 juli.)

E-organ uprava sastipaske isto kerela buti pripadibaske jekhe dokazeske ko negativno kovid-19-testi hem jekh dokaz bašo sastljariba.

 

Ne man e -legitimacia, so šaj kereva?

Akate arakhea informacia sar šaj te kere: Skaffa e-legitimation | Elegitimation (e-legitimation.se)

Odole manuše kas nae jekh važimi e-legitimaci šaj te ovel šaipa te rodel jekh Kovid potvrda taro 1 juli. Ama mora te ovel tut jekh švedikano matično gendo hem džandžolape, so sian vakcirimo.

Taro 1 juli te rode ki E- organ uprava sastipaske – jekh blanketa soglasibaske ka ovel dostupno ko vebthan ko E - organ uprava sastipaske taro 1 juli. Tegani tli Kovid potvrda ko lil bičhaldi ki tli adresa prema tli matično evidenci.

(Našti te rodelpe ja te dobinelpe tli Kovid potvrda angleder sebepi o EU- uredbe ka valjani te primeninenpe taro o 1 juli.)

 

Me našti te koristinav jekh e-legitimacia, sar te kerav tegani?

Te nae tut šaipa te koristine jekh e-legitimacia tegani šaj taro o 1 juli te poručine jekh vakcinakoro dokaz taro E-organ uprava sastipaske. Odova šaj te kere so šaj te printine, te phere hem te bičhale ki pošta jekh blanketa e organ upravake. Palo odova i organ uprava ka bičhavel tlo vakcinakoro dokaz ki tli adresa prema i matično evidencia. Te godi so ka poručine tlo vakcinakoro dokaz angleder te podžine ko drumo.

(Našti te rodelpe ja te dobinelpe tli Kovid potvrda angleder sebepi o EU- uredbe ka valjani te primeninenpe taro o 1 juli.)

 

Mora te ovel man jekh digitalno poštakoro sanduko či te dobinav mli Kovid potvrda?

Na, nae nisavo zahtev te ovelpe ditigalno poštakoro sanduko, ama odova tano po primenlivo hem sigurno hem funcirinela sukar sar khedibaskoro than. Šaj isto te arakhe hem direkno te printine tli Kovid potvrda taro odova digitalno ured so koristinea.

 

Valjani te pokjinav baši mli Kovid potvrda?

Na, odova tano bizopokjimo.

 

Kobor sigate palo o vakciniriba, šaj te dobinav mli Kovid-potvrda?

I vakcina mora sar jekhto te prijavinelpe ko Nacionalnikano vakcinakoro registar (NVR). Šaj te nakhen evta dive pali i vakcina angleder te dobine tli Kovid potvrda. I E-služba phavela 1 juli hem i potvrda nasti predhodno te poručinelpe ja te ikalelpe angleder.

De tut godi so disavo far šaj te ikale tli Kovid potvrda angleder te koristinelpe khujbaske ki jekh phuv. Avdive ko misal isi phuvja so zahtevinena so ka nakhen 14 dive pali i posledno doza tari jekh vakcina či o dokaz šaj te priznainelpe. Odoleske ka valjani te kontrolirine o propisia ki odoja phuv so ka vizitarine.

Dodžan ko vreme so važinela tle drumoske, dikh i aplikacia ko Ministeriumo bašo avrune buča Resklar hem ko Ambasadengoro vebthan Sweden Abroad.

 

Isi disavi uloga savi vakcina dobindžum?

Sa o vakcine protiv kovid-19 so denape ki Švedia tane priznaime baši Kovid potvrda.

 

Važinela i Kovid potvrda te dobindžum duj različno vakcine?

Palo tlo vakciniriba ka ikale jekh Kovid potvrda so saikerela informacia bašo tle vakcinacie (iako tane duj različno vakcine).

Prema o EU-uredbe e vakcinakoro dokaz ka izdavinelpe sarinenge so vakcinirindžepe protiv kovid-19, bizi razlika savi vakcina. O phuvja mora te prifatinen e vakcinakoro dokaz vakcinenge so priznaindžepe tari EU.

Inače sako phuv korkoro odlučinela save pravilia važinena. Tu korkoro mora te dodžane so važinela ki odoja phuv kote so ka dža. Teljar i aplikacia UD Resklar dobibaske aktuelno informacia bašo tlo drumo. E ambasaden isi isto aktuelno drumoskere informacie ko Sweden Abroad.

 

Ka valjani te priminenpe duj doze angleder te rodelpe jekh Kovid potvrda ja dovolno tano jekhe dokazea?

Ki tli Kovid potvrda navedinelape savi vakcina hem kobor doze primindžan. Keda ka primine tli jekhto doza tegani ka dobine jekh Kovid potvrda.

O pravilia te valjani te primine jekh ja duj doze šaj te razlikuinenpe maškar o phuvja. I phuv so ka vizitarine odlučinela save pravilia važinena odote. Odoleske mora korkoro ko vreme te dodžane so važinela, dikh i aplikacia ko Ministeriumo bašo avrune buča Resklar hem ko ambasadengoro vebthan Sweden Abroad.

 

Dovolno tano te ovelpe vakcinirimo ja valjani isto ke kerelpe jekh PCR-testi?

Šaj te razlikuinelpe maškar o phuvja. I phuv so ka vizitarine odlučinela save pravilia važinena odote. Odoleske mora korkoro ko vreme te dodžane so važinela, dikh i aplikacia ko Ministeriumo bašo avrune buča Resklar hem ko ambasadengoro vebthan Sweden Abroad.

 

Valjani mle čhaveske jekh Kovid potvrda či te šaj te cidel ko drumo?

O cili jekhe Kovid potvrdaja tano te lokljarel o drumo ko EU. Akana akanaske jekh vakcina protiv kovid-19 generano na nudinelape ćhavenge hem odoleske jekh potvrda vakcinake sar pravilo tae aktuelno e čhavenge.

Ko teko tani i buti či isto jekh dokaz bašo negativno kovid-19-testi hem jekh dokaz završime nasvalibaske ka uključinelpe ki Kovid potvrda. Prema o preliminarnikane EU-uredbe isto hem o čhave ka dobinen vakcinakoro dokaz sar o duj avera avutne dokazia. Sar odova ka sprovedinelpe ki Švedia nae panda odlučimo.

Te dut godi so sako far te dodžane save pravilia važinena tle drumoske. Ko Ministeriumo bašo avrune buča isi aktuelno informacia bašo so važinela ko razno phuvja.

 

Te i Kovid potvrda ka važinel hem ko avera kontekstia nego sade ko džajbe drumo, ko misal koncertia, teatarsko predstave hem sportsko nastane?

I Kovid potvrda tani formirimi či te pherel o internacionalnikane zahtevia hem tani namenimi te lokljarel avrutno džajba ko drumo. Maškar aver ka šaj te sikavelpe pri nakhiba i granica keda ka izvršnelpe i id-kontrola.

Ko 27 maj i vlada saopštindža so ola isto ka dikhen te isi šaipa te koristinelpe vakcinakoro dokaz ja slično ko disave odredime kediba ja javno nastania telo jekh ograničimo periodi. I vlada ka javinel ple stavia ko maškar ko juni.

 

Uključinelape mlo pozitivno antitelo testi ki Kovid potvrda?

Antitelo testi na važinela či te dobinelpe jekh digitalnikano kovid dokaz bašo o sastljariba prema EU- uredbe. Sade jekh angluno pozitivno NAAT-testi (PCR) sprovedimo taro e sastipaskoro hem e nasvalipaskoro personali ja kvalificirimo testibaskoro personali (na korkoro testiriba) so ka ovel priznaimo hem te koristinelpe ki Kovid potvrda.

Jekh sastljaribaskiri potvrda ka šaj te izdainelpe hemrano dešujekh dive palo o pozitivno NAAT-testi (PCR). Odova ka važinel 180 dive taro o jekhto pozitivno testeskoro reziltati.

 

Šaj te dobinelpe Kovid potvrda angleder o 1 juli?

Ka valjani e E- organ uprava sastibaske jekh pravno osnova či te vastingarel o lično informacie ki potvrda. I pravno osnova delape keda i EU-uredba hem jekh nevi švedikani uredba ka sprovedinelpe ki snaga ko 1 juli akava berš. E Švedia akana akanske, inače angleder i EU-uredba te provedinelpe ki snaga, nae nisavi pravno osnova ko nacionalnikano nivo te vastingarel lično informacie ki potvrda.

 

Me dobindžum mli jekhto doza vakcina ki aver phuv hem ka priminav mli dujto doza ki Švedia.  Ka šaj te dobinav jekh važimi Kovid potvrda?

Te primine tli dujto doza ki Švedia šaj e sastipaskoro dejdžia te prijavinel i vakcina sar doza 2 taro 2 (2/2) ko Nacionalnikano vakcinengoro registari. Tegani šaj te dobine jekh dokaz ko www.covidbevis.se so ka sikavel so sian skroz vakcinirimo. Importantno tano te sikave e vakcinatoreske ki Švedia so tani tli dujto doza či te prijavinelpe ispravno. Odoleske dikh te ovel tut šukar dokumentacia baši tli jekhto vakcina hem so tani dendi taro jekh sastipaskoro dejdžia ja organ uprava.

 

Isi šaipa te dobinelpe Kovid potvrda ki jekh aver evropsko phuv keda več o manuš tano odote? Te e phuvjakere sistemia šaj te meninen informacie jekheaverea?

Šaj te ikale jekh potvrda prekal www.covidbevis.se te sian vakcinirimo ki Švedia hem isi tut švedikani e-legitimacia. Disave informacie bašo o vakcine ja testia nae te bičhalenpe maškar o phuvja. Te sian vakcinirimo ja testirimo ki aver EU phuv ka valjani te proverine sar šaj te dobine jekh potvrda tari odoja phuv.

 

Sade o švedikane državjania šaj te dobinen Kovid potvrda?

Ka valjani tuke jekh švedikano matično gendo, te ove vakcinirimo ki Švedia hem priznaimi švedikani e-legitimacia či te dobine jekh digitalno Kovid potvrda ki Švedia.

E-organ uprava sastipaske kerela buti či e manušen bizi e-legitimacia hem švedikano matično gendo te ovel olen dokaz soj tane vakcinirime ki Švedia.

 

Šaj te dobinelpe jekh digitalno Kovid potvrda te sium švedikano državjani ama bešava ko stranstvo?

E E-organ uprava sastipaske nae zadužimi te izdainel Kovid potvrda vakcinenge so tane sprovedime ko avera phuvja.

Sian vakcinirimo ja testirimo ki jekh aver EU-phuv (plus Norveška, Island, Švajcaria hem Lichtenstein) ka valjani te proverine sar šaj te dobine jekh potvrda tari odoja phuv.