Dearvvašnuvvanduođaštus go galggat mátkkoštit

Dearvvašnuvvanduođaštus lea duođaštus ahte dus lea leamašan covid-19 ja ahte leat dearvvašnuvvan. Dan oažžu beare jus dearvvašvuođabargi dahje eará gelbbolaš bargi lea váldán dus coronaiskosa. EU- njuolggadusa jelgii de iskosat maid ieš leat váldán eai leat gustovaččat dearvvašnuvvanduođaštussii. Bargit fertejit váldit iskosa dus.

Borgemánu 12 b. rájis de gávdnojit golbma sierralágan covidduođaštusa dutnje gii galggat mátkkoštit:

  • Jus leat ožžon boahkuid de sáhtát oažžut boahkuhanduođaštusa.
  • Jus it leat ožžon boahkuid de lea vejolaš váldit covid-19 iskosa. Jus coronaiskkusboađus lea negatiiva de sáhtát oažžut iskkusduođaštusa.
  • Dus geas lea leamašan covid -19 de lea erenoamáš dilis vejolaš oažžut dearvvašnuvvanduođaštusa.

Dearvvašnuvvanduođaštusas leat spesifihkka eavttut ja de lea eanas olbmuide álkibut ja johttileabut oažžut boahkuhanduođaštusa dahje iskkusduođaštusa (beare fal covid-19 iskkusboađus lea negatiiva).

Dearvvašnuvvanduođaštusa eavttut

Muhtin dilis sáhttá leat vejolaš oažžut dearvvašnuvvanduođaštusa.

Lea vejolaš beare jus:

  • Du covid-19 iskkusboađus lea positiiva.
  • Gelbbolaš dearvvašvuođabargi Ruoŧas lea váldán dus iskosa.  Iskos ferte leahkit nu gohččojuvvon NAAT- iskos (PCR dahje sullasaš). Iskosat maid leat ieš váldán eai leat gustovaččat. Fuomáš ahte vuosteávnnasiskosat eaige leat gustovaččat EU- njuolggadusaid jelgii.
  • Lea gollán unnimus 11 beaivvi du vuosttáš positiiva iskkusbohtosa maŋŋel.
  • Duođaštus ii leat boarrásit go 180 beaivvi. Rehkenastojuvvo dan beaivvi rájis go ožžot vuosttaš positiiva iskkusbohtosa. Duođaštus lea de gustovaš eanemus guhtta mánu maŋŋel positiiva iskkusbohtosa.
  • Leat deavdán 16 jagi ja dus lea ruoŧa persovdnanummár. (Dearvvašnuvvanduođaštusa mánáide ja olbmuide geas ii leat persovdnanummár boahtá maŋŋel)

Jus eavttut dás badjelis sohpet dutnje mana webbasiidui 1177.se ja geahča makkár njuolggadusat du regiovnnas leat dearvvašnuvvanduođaštusa ektui.

Ná oaččut dearvvašnuvvanduođaštusa

  1. Dus lea leamašan covid-19. Gelbbolaš dearvvašvuođabargi Ruoŧas lea váldán dus iskosa (NAAT- iskosa) ja iskkusboađus leai positiiva. Ii guoská iskosiid maid leat ieš váldán.
  2. Go leat dearvvašnuvvan ja go lea gollán unnimus 11 beaivvi maŋŋel go ožžot positiiva iskkusbohtosa, de sáhtát gáibidit dearvvaštuvvanduođaštusa dikšoaddis. Váldde oktavuođa dearvvašvuođadivššuin 1177.se bokte ja vállje du regiovnna siiddu ja oza dieđuid du regiovnna njuolggadusaid birra.
  3. Dikšoaddi sádde dieđu E- dearvvašvuođaeiseváldái ja sii čállet dearvvašnuvvanduođaštusa.
  4. Jus dus lea digitála poastaloađa (Digimail, E-boks, Kivra eller Min myndighetspost) de du dearvvašnuvvanduođaštus sáddejuvvo dohko.
  5. Jus dus ii leat digitála poastaloađa de du dearvvašnuvvanduođaštus sáddejuvvo dan čujuhussii, mii lea álbmotregistaris.

Man guhká lea dearvvašnuvvanduođaštus gustovaš?

Dearvvašnuvvanduođaštus lea gustovaš 180 beaivvi dan dáhtona rájis go ožžot positiiva covid-19 iskkusbohtosa.

Eanet dieđut

Dán liŋkkas gávnnat eanet jearaldagaid ja vástádusaid coviduođaštusa birra

Jearaldagat ja vástádusat

Dáppe leat dábálaš jearaldagat maid mii oažžut.