Boahkuhanduođaštus go galggat mátkkoštit

Jus galggat mátkkoštit ja leat ožžon boahkuid covid-19 vuostá de lea vejolaš oažžut boahkuhanduođaštusa.

Lea vejolaš viežžat du digitála duođaštusa du mobiilii, dihtorii dahje dihtordulbosii go:

  1. Leat váldán boahkuid. Du boahkuheapmi dieđihuvvo Našuvnnalaš boahkuhanregistarii moadde beaivvi (eanemusat čieža beaivvi) maŋŋel du boahkuheami.
  2. Logge de sisa e- legitimašuvnnain  www.covidbevis.se.
  3. Viečča, čálit dahje vurke du boahkuhanduođaštusa. Go don leat viežžan duođaštusa de dat maid sáddejuvvo automáhtalaččat du digitála poastalođái. Jus dus ii leat digitála poastaloađa de čuovo dán liŋkka: Om du inte har en digital brevlåda kan du läsa här om hur du gör för att skaffa en.
  4. Dál lea vejolaš geavahit duođaštusa. Muitte ohcat dieđu mátkebáikki njuolggadusaid birra.

Goas oaččun boahkuhanduođaštusa?

Sii geat leat addán dutnje boahkuid galget geargat bidjat dieđuid Našuvnnalaš boahkuhanregistarii ja danin lea easka vejolaš viežžat boahkuhanduođaštusa moadde beaivvi (eanemusat čieža beaivvi) maŋŋel boahkuheami.

Dárbbašango váldit goappaš boahkkomeriid jus galggan oažžut boahkuhanduođaštusa ja beassat mátkkoštit?

Lea vejolaš oažžut boahkuhanduođaštusa go leat váldán ovtta boahkkomeari.

Muhto ii leat sihkkar ahte okta mearri lea nogis beassat sisa ovtta riikii.  Lea du ovddasvástádus dutkat mii gáibiduvvo du mátkebáikkis.

Oza álggos dieđuid olgoriika reaissuid birra olgoriikkadepartemeanttas Utrikesdepartementet (UD). Ambassádaid webbasiiddus Sweden Abroad leat dieđut sierra riikkaid njuolggadusaid birra. Olgoriikkadepartemeantta áppas: UD:s app resklar , oainnát makkár gáibádusat du mátkebáikkis leat.

Man guhká lea boahkuhanduođaštus gustovaš?

Boahkuhanduođaštus lea gustovaš 90 beaivvi maŋŋel go lea čállon. Das maŋŋel lea vejolaš viežžat ođđa.

Jearaldagat ja vástádusat

Dán liŋkkas leat eanet jearaldagaid ja vástádusaid covidduođaštusa birra.