Vástádusat dábálaš jearaldagaide koronaduođaštusa birra

Dáppe leat vástádusat dábálaš jearaldagaide koronaduođaštusa birra.

Makkár sierra lágan koronaduođaštusat gávdnojit ja mii lea erohus daid gaskkas?

Gávdnojit golbma sierra lágan koronaduođaštusa. Jus leat ožžon boahkuid de lea álkimus oažžut boahkuhanduođaštusa. Don vieččat du boahkuhanduođaštusa dáppe covidbevis.se.

Jus don ii leat váldán boahkuid de lea vejolaš váldit covid-19 iskosa ja jus iskkusboađus lea negatiiva de don oaččut iskkusduođaštusa dáppe, iskkusduođaštus. Dus geas lea leamašan covid-19 sáhtát muhtin dilis oažžut dearvvašnuvvanduođaštusa, dearvvašnuvvanduođaštus.

Mon in leat váldán boahkuid. Leago vejolaš mátkkoštit?

Jus don it leat váldán boahkuid de sáhtát geavahit daid eará koronaduođaštusaid.

Man guhká leat dat sierra koronaduođaštusat gustovaččat?

Boahkuhanduođaštus lea gustovaš 365 beaivvi.

Makkár koronaiskosa don válddat ja man riikii don leat mátkkošteame váikkuha dasa man guhká iskkusduođaštus lea gustovaš. Dárkkis makkár njuolggadusat dan riikkas leat gosa galggat mátkkoštit ja dárkkis maid njuolggadusaid dain riikkain man bokte don mátkkoštat. Geahča dáppe Sweden Abroad.

Dearvvašnuvvanduođaštus lea gustovaš 180 beaivvi dan dáhtona rájis go don ožžot du vuosttaš positiiva iskkusbohtosa.

Gos mon čájehan mu koronaduođaštusa?

Koronaduođaštusa galggat earet eará čájehit identiteahtta dárkkistemiid oktavuođas ráji nalde. Ane du koronaduođaštusa lahkosis olles reaissu.

Muitte beare áiggil ovdal reaissu dárkkistit makkár njuolggadusat dan riikkas leat gosa don galggat mátkkoštit. Viečča olgoriikkadepartemeantta áppa, olgoriikkadepartemeantta Mátkkoštit UD Resklar, doppe lea áigeguovdilis diehtu dan báikki birra gosa don galggat mátkkoštit .

Ambassádain leat maid áigeguovdilis dieđut dáppe áigeguovdilis mátkkoštandieđut Ruoŧŧa olgoriikkas Sweden Abroad.

Main riikkain lea koronaduođaštus gustovaš?

Koronaduođaštus lea gustovaš go galggat mátkkoštit riikkaide EU:as. Duođaštus lea maid gustovaš eanet riikkain Eurohpás ja maiddái eará eatnanoasis.  

Listtu gos oaidná main riikkain koronaduođaštus lea gustovaš.

Dárkkis makkár njuolggadusat dan báikkis leat gosa don galggat mátkkoštit. Daga dan dáppe Sweden Abroad.

Dárbbašango digitála poastaloađa jus galggan oažžut mu koronaduođaštusa?

It dárbbaš. Digitála poastaloađa lea álki ja sihkkar ja doaibmá maiddái bures vurkenbáikin. Lea maid vejolaš viežžat ja vurket ja maiddái čálihit du koronaduođaštusa dan digitála ovttadagas maid geavahat.  

Maid mun dalle jus mu boahkuhanduođaštusas váilot dosat?

Fuomáš ahte boahkuhanduođaštus II ođasmahtto automáhtalaččat go lea digitála poastaloađas (omd Kivra, e-Boks dahje Min myndighetspost). Don fertet viežžat ođđa duođaštusa go don leat ožžon ođđa dosa.

Diehtu du boahkuheami birra boahkuhanduođaštusas lea:

”1 dosa 1 / 2” dahje

”2  dosa 2/2” dahje

"3 dosa 3/3" dahje

"4 dosa 4/4" dahje

"5 dosa 5/5"

Jus du dosat eai leat riekta:

1. Dárkkis ahte lea gollan unnimus čieža beaivvi dan rájis go don leat ožžon boahkuid.

2. Jus lea gollan jándor dan rájis go maŋemuš vižžet boahkuhanduođaštusa viečča de ođđa dáppe Covidbevis.se.

3. Jus dus váilot dosat du koronaduođaštusas vuordde de moadde beaivvi ja geahččal oktii vel dasgo vuogádat divvojuvvo joatkevaččat.

4. Jus leat geahččalan vugiid dás badjelis ja oainnát ain seamma covidduođaštusa de sáhtát geahččalit eará ládje- geahččal dihtoriin jus ovdal geahččalit telefovnnain dahje nuppe ládje. (Boares boahkuhanduođaštus soaitá leat ain dihtoris/telefovnnas) 

5. Jus don leat viežžan boahkuhanduođaštusa maŋŋel go don ožžot du vuosttaš koronaboahkkodosa ja don ožžot boahkuhanduođaštusa du digitála poastaloađa, de don fertet viežžat ođđa boahkuhanduođaštusa maŋŋel du nuppát koronaboahkkodosa dáppe Covidbevis.se.

Boahkuhanduođaštus ii ođasmahtto automáhtalaččat go lea du digitála poastaloađas (omd Kivra, e-Boks dahje Min myndighetspost).

6. Jus leat geahččalan buot vugiid dás badjelis ja du boahkuhanduođaštus lea ain boastut ja galggat  hede vuolgit mátkkoštit de lea vejolaš sáddet dieđu min kunddarbálválussii, covidbevis@ehalsomyndigheten.se. Čále nama, telefovdnanummara, dáhton go ožžot boahkuid ja maiddái man regiovnnas don ožžot boahkuid.

Gávdnojit máŋgga ákkat manin don it oainne buot du dosaid. Dábáleamos ágga lea ahte dikšoaddi ii leat geargan vel bidjat dieđuid Našuvnnalaš boahkuhanregistarii. Ja diehtu doppe lea vuođđu boahkuhanduođaštussii. Moadde beaivvi (eanemusat čieža beaivvi) maŋŋel boahkuheami leat dieđut du boahkuheami birra Našuvnnalaš boahkuhanregistaris.

Regiovnnain lea ovddasvástádus registreret boahkuid Našuvnnalaš boahkuhanregistarii. Diehtu lea vuođđu boahkuhanduođaštussii. Juohke regiovdna barggaha máŋga sierra fitnodagaid geat addet boahkuid.

Jus lea gollan eanet go čieža beaivvi ja soames dosa váilo du koronaduođaštusas váldde de oktavuođa E- dearvvašvuođaeiseválddi kunddarbálvalusain, covidbevis@ehalsomyndigheten.se

Jus juoga lea boastut du boahkuid registreremis de mii veahkehit du váldit oktavuođa du regiovnnain.

Manin mu boahkuhanduođaštusas lea beare okta dáhton goas ožžon boahkuid?

Boahkuhanduođaštusas oaidná jus leat ožžon ovtta, guokte, golbma dahje njeallje dosaid. Ovdamearkka dihte jus leat ožžon guokte dosaid de oainnát “2 dosa 2/2”. Jus leat ožžon golbma dosaid de oainnát “3 dosa 3/3” ja jus leat ožžon njeallje dosaid de oainnát “4 dosa  4/4”.

Duođaštusas lea beara okta dáhton. Gávnnat dan bajilčállaga vuolde “maŋemus boahkuheami dáhton”. Fuomáš ahte beare maŋemus boahkuheami dáhton lea čállon.

Got mon oaččun dahje ođasmahtán boahkuhanduođaštusa?

Boahkuhanduođaštusa ii oaččo automáhtalaččat maŋŋel go lea ožžon boahkuid. Don fertet álot ohcat duođaštusa. Duođaštus ii ođasmahtto automáhtalaččat maŋŋel go leat ožžon eanet koronaboahkkomeriid/dosaid.

Don vieččat boahkuhanduođaštusa ná: mana www.covidbevis.se ja čuovo instrukšuvnnaid doppe.  Daga seammá ládje jus dárbbašat ođđa duođaštusa, jus du duođaštus ii leat gustovaš šat.

Jus dus ii leat e- legitimašuvdna dahje čujuhus álbmotregistaris de loga dáppe got don dagat.

Olbmot geas ii leat ruoŧa persovdnanummar sáhttet go sii oažžut boahkuhanduođaštusa?

Geavat dan čuovvovaš skovi jus don leat ožžon boahkuid Ruoŧas ja jus dus lea ovttastahttinnummar (ruo. Samordningsnummer) muhto dus ii leat čujuhus álbmotregistaris Diŋgot boahkuhanduođaštusa – dutnje geas ii leat čujuhus álbmotregistaris.

Duođaštus sáddejuvvo lagamus gávpái dahje poasta kantuvrii ja  don oaččut dieđu go lea vejolaš viežžat reivve.

Jus dus lea čujuhus álbmotregistaris de geavat dán skovi Diŋgot boahkuhanduođaštusa.

Jus don leat ožžon boahkuid Ruoŧas muhto dus ii leat persovdnanummar iige ovttastahttinnummar de du boahkuheamit leat registrerejuvvon liigenummara (ruo. reservnummer) vuollái. Jus don háliidat boahkuhanduođaštusa don fertet váldit oktavuođa dearvvasvuođabálvalusain du regiovnnas 1177.se bokte.

Jus du boahkuheapmi lea registrerejuvvon liigenummara vuollái.

Jus dus lea ruoŧa persovdnanummar muhto du boahkuheapmi lea registrerejuvvon eará nummára vuollái, liigenummara dahje ovttastahttinnummara,  váldde de oktavuođa dearvvašvuođaguovddážiin, mii attii dutnje boahkuid, ja siđa daid registreret boahkuheami du persovdnanummara vuollái.  

Leago vejolaš oažžut gustovaš boahkuhanduođaštusa jus mun lean ožžon ovtta koronaboahkkomeari/dosa eará riikkas ja válddán boahttevaš meari/dosa Ruoŧas?

Jus don leat ožžon koronaboahkuid eará riikkas ja galggat váldit koronaboahkku booster- dosa de mii ávžžuhit ahte don válddát dan Ruoŧas.  

  • Váldde mielde ja čájet buot dokumeanttaid du boahkuheami birra maid leat ožžon eará riikkas. Dalle lea vejolaš dikšoaddái, gii addá dutnje boahkuid, árvvoštallat man dosa don galggat oažžut ja registreret rivttes dosa journálavuogádahkii ja maiddái Našuvnnalaš boahkuhanregistarii.  
  • Jus dus lea ruoŧa persovdnanummar ja e- legitimašuvdna de sáhtát viežžat boahkuhanduođaštusa čieža beaivvi maŋŋel boahkuheami  dáppe www.covidbevis.se

Jus dus ii leat e- legitimašuvdna de lea vejolaš váldit oktavuođa apoteahkain. Sii veahkehit du čálihit du boahkuhanduođaštusa.  

Jus dus lea ovttastahttinnummar de fertet ohcat boahkuhanduođaštusa dán skovi bokte Diŋgot boahkuhanduođaštusa

Jus dus ii leat persovdnanummar dahje ovttastahttinnummar ja du boahkuheapmi lea registrerejuvvon liigenummara vuollái de don ferte váldit oktavuođa dikšoaddiin dáppe 1177.se

Jus dearvvašvuođabálvalus ii máhte dieđihit du koronaboahku booster-dosa rivttes nummara (dosanummar) vuollái váldde de oktavuođa E- dearvvašvuođaeiseválddi kunddarbálvalusain.  

Mun lean ruoŧa álbmotborgár muhto mun lean ožžon boahkuid olggobealde EU/EES. Got mun oaččun boahkuhanduođaštusa Ruoŧas?

Don gii leat ožžon boahkuid ovtta riikkas olggobealde EU/EES sáhtát váldit oktavuođa Stáhta bálvalusguovddáža kantuvrrain. Sii dárkkistit dokumentašuvnnaid boahkuhemiid birra mat leat váldon goalmmát riikkas.

Fuomáš ahte muhtin eavttut fertejit leahkit devdon.

  • Don fertet goalmmát riikkas ožžon maŋemus boahkuid ovtta ráiddus ja galggat maid čájehit identiteahttabáhpiriid ja originálabáhpiriid boahkuhemiid birra maid leat ožžon.

Jus don galggat oažžut boahkuhanduođaštusa Ruoŧas de fertet leahkit čálihuvvon Ruoŧas ja dus ferte leahkit digitála poastaloađa gosa poasta eiseválddis boahtá.

Eavttut oažžun dihte veahki boahkuhanduođaštusain Stáhta Bálvalusguovddážis.

Stáhta bálvalusguovddáš (Statens servicecenter) čálihit boahkuhanduođaštusa ruoŧŧelaččaide geat leat ožžon boahkuid covid-19 vuostá ovtta riikkas olggobealde EU/EES. Sis leat guhtta kantuvrra. Man kantuvrrain mun galggan váldit oktavuođa?

Lea vejolaš ohcat boahkuhanduođaštusa vaikko man dain guđa kantuvrrain. Beroškeahttá gos don leat čálihuvvon beare don leat čálihuvvon álbmotregistaris Ruoŧas.

Mun lean ožžon boahkuid olgoriikkas. Registrerejuvvotgo mu koronaboahkkodosat Ruoŧas?

Koronaboahkkodosaid maid leat ožžon olgoriikkas eai sáhte registrerejuvvot Našuvnnalaš boahkuhanregistarii Ruoŧas. Lea vejolaš oažžut boahkuhanduođaštusa jus dus lea dokumentašuvdna du boahkuheami birra ja jus don deavddát muhtin gáibádusaid. Man riikkain don leat ožžon boahkuid váikkuhit gáibádusaide.    

Man johtilit oaččun boahkuhanduođaštusa maŋŋel go lean ožžon boahkuid?

Boahkuheapmi ferte álggus dieđihuvvot Našuvnnalaš boahkuhanregistarii (NRV). Danin sáhttá gollat sullii čieža beaivvi maŋŋel boahkuheami ovdal go don oaččut du boahkuhanduođaštusa.

Muitte fal ahte muhtin dilis don sáhtát oažžut boahkuhanduođaštusa ovdal go lea vejolaš geavahit dan sisabeassamii ovtta riikii. Muhtin riikkat gáibidit ahte lea gollan 14 beaivvi dan maŋemus koronaboahkkomeari maŋŋel ovdalgo duođaštus dohkkehuvvo. Don fertet dárkkistit makkár njuolggadusat dan riikkas leat gosa don galggat mátkkoštit.

Váldde áiggil sealvái makkár njuolggadusat dan báikkis leat gosa leat mátkkošteame, geahča olgoriikkadepartemeantta áppas Resklar ja ambassádaid webbáikkis Sweden Abroad.

Got mun vurken boahkuhanduođaštusa go lean viežžan dan dáppe Covidbevis.se?

Jus dus lea digitála poastaloađa de boahkuhanduođaštus sáddejuvvo automáhtalaččat dohko.  

Lea maid vejolaš vurket du duođaštusa min bálvalusas. Daga de ná:

Jus don leat viežžan boahkuhanduođaštusa mobiilatelefovdnii:

  • Don sáhtát sáddet duođaštusa du dihtorii (omd šleađgapoastta bokte) ja čálihit dan du dihtoris dahje sáddet dan dieđu (SMS) bokte.
  • Don sáhtát váldit šearbmagova ja vurket duođaštusa govvan du mobiilatelefovnnas.
  • Don sáhtát oaidnit dan du vižžon vuorkkás  "Mitt vaccinationsbevis" vuolde.

Jus don leat viežžan boahkuhanduođaštusa dihtorii:

  • Don sáhtát váldit šearbmagova.
  • Don sáhtát oaidnit dan du vižžon vuorkkás "Mitt vaccinationsbevis" vuolde ja čálihit duođaštusa dan bokte.

Don sáhtát maiddái vurket du duođaštusa ja de gávnnat dan vižžon vuorkkás.

Dárbbašango váldit koronaboahku booster-dosa jus galggan beassat mátkkoštit?

Go don leat ožžon boahkuid covid -19 vuostá, guokte koronaboahkkodosa, de du boahkuheapmi lea gustovaš 270 beaivvi. Áiggi mielde boahku čuozahus unno ja danin gáibiduvvo booster- dosa. EU lea mearridan ahte 270 beaivve njuolggadus ii guoská mánáide ja nuoraide vuollái 18.

Go don leat ožžon du koronaboahkku booster-dosa de fertet ođasmahttit du boahkuhanduođaštusa ovdalgo lea vejolaš geavahit dan mátkkoštemiid oktavuođas. Geahča dáppe  www.covidbevis.se

Gii sáhttá oažžut boahkuhanduođaštusa apoteahkas?

Jus dus ii leat e- legitimašuvdna, muhto dus lea ruoŧa persovdnanummar/immuniteahttanummar ja don leat ožžon boahkuid Ruoŧas de don sáhtát váldit oktavuođa apoteahkain oažžun dihte boahkuhanduođaštusa.

Go don háliidat oažžut boahkuhanduođaštusa apoteahkas de galggat addit du persovdnanummara ja maiddái dárkkistit gii don leat dohkkehuvvon identiteahttabáhpiriin.

Sáhttetgo buot apoteahkat Ruoŧas čálihit mu boahkuhanduođaštusa?

Juo, buot apoteahkat Ruoŧas, earet digitálalaš apoteahkat, sáhttet dahkat dan. Ruoŧas lea 1400 apoteahka.

Ruoŧa Apoteahkasearvvi ruovttosiiddus gávnnat apoteahka.

Maid mun dagan jus apoteahkabargi dadjá ahte mun in sáhte oažžut boahkuhanduođaštusa?

Sáhttet leahkit máŋga ákkat dasa. Leago nu ahte ii leat gollan čieža beaivvi maŋŋel du boahkuheami, nu ahte dosat eai lea dieđihuvvon Našuvnnalaš boahkuhanregistarii.

Leago nu ahte du boahkuheamit eai leat registrerejuvvon du persovdnanummara vuollái muhto liigenummara vuollái – ja dalle don fertet váldit oktavuođa dearvvašvuođabálvalusain du regiovnnas geat sáhttet ordnet boahkuhanduođaštusa. Dáppe www.1177.se lea diehtu boahkuhanduođaštusa birra jus du boahkuheapmi lea registrerejuvvon liigenummara vuollái.

Leago nu ahte du boahkuheamit leat registrerejuvvon ovttastahttinnummara vuollái. De lea vejolaš diŋgot boahkuhanduođaštusa dán skovi bokte diŋgot boahkuhanduođaštusa.

Jus dus ii leat čujuhus álbmotregistaris de geavat dán skovi diŋgot boahkuhanduođaštusa dutnje geas ii leat čujuhus álbmotregistaris Ruoŧas.

Du duođaštus sáddejuvvo máhcahangeatnegahtti reiven dan čujuhussii maid don čállet.

Leago nu ahte don leat ožžon boahkuid eará riikkas.  Jus don leat ožžon boahkuid ovtta dain eará riikkain geas lea EU digitála koronaduođaštus de lea vejolaš gáibidit duođaštusa dan riikkas. Riikkat mat leat mielde vuogádagas (listtu).

Jus don leat ožžon boahkuid ovtta riikkas olggobealde EU/EES, muhto dus lea čujuhus álbmotregistaris Ruoŧas ja dus lea digitála poastaloađa de váldde oktavuođa Stáhta Bálvalusguovddážiin Statens Servicecenter, Sii dárkkistit dokumentašuvnna du boahkuhemiid birra ja bearráigehččet ahte don oaččut boahkuhanduođaštusa maid E- dearvvašvuođaeiseváldi čáliha.

Makkár iskosat leat dohkkehuvvon iskkusduođaštussii?

NAAT- iskosat ( RT-PCR-iskosat) ja antigenaiskosat (nu gohččojuvvon jođánisiskosat), maid EU lea dohkkehan, leat dohkkehuvvon iskkusduođaštussii. Du dikšoaddi ja E- dearvvašvuođaeiseváldi dihtet makkár iskosat devdet gáibádusaid iskkusduođaštussii.

Gelbbolaš buohcce- ja dearvvašvuođabargi dahje eará gelbbolaš bargi ferte váldán dus iskosa, dalle iskosat leat gustovaččat iskkusduođaštussii. Iskkus maid ieš válddát ii leat gustovaš. Bargi ferte váldit iskosa.  

Gos válddán iskosa iskkusduođaštussii?

Beare priváhta dikšoaddit, geain lea bálvalus Koronaduođaštus (Covidbevis), váldet covid-19 iskosiid. Buohcce- ja dearvvašvuođabálvalus váldet iskosiid oaidnin dihte jus olbmos lea covid- 19 infekšuvdna juste dál ja ulbmil lea eastadit korona leavvama. Váldit iskosa oaidnin dihte jus leat dearvvas mátkkoštit ii leat dearvvašvuođabálvalusa bargu.

Priváhta dikšoaddit geas lea koronaduođaštus bálvalus (listtu).

Goas ferten váldit iskosa go galggan mátkkoštit?

Sierra riikkain leat sierra gáibádusat. Iskkus lea gustovaš beare moadde beaivvi (dábálaččat 48 dahje 72 diimmu). Ovdalgo vuolggat mátkkoštit de fertet dárkkistit makkár njuolggadusat dan báikkis leat gosa galggat mátkkoštit ja maid makkár njuolggadusat dain riikkain leat man bokte don mátkkoštat. Muitte fal ahte áigi rehkenastojuvvo dan rájis go don váldet iskosa, iige dan rájis go don ožžot bohtosa ja iige dalle go iskkusduođaštus čálihuvvui.

Geat ožžot dearvvašnuvanaduođaštusa?

Dearvvašnuvvanduođaštus lea vejolašvuohta daidda geat eai leat váldán boahkuid.

Eanas olbmuide lea álkit oažžut boahkuhanduođaštusa dahje iskkusduođaštusa go dearvvašnuvvanduođaštusa.

Jus don leat ožžon boahkuid covid-19 vuostá de sáhtát viežžat du boahkuhanduođaštusa dáppe covidbevis.se. Dalle it dárbbaš dearvvašnuvvanduođaštusa.