Dearvvašnuvvanduođaštus

Dearvvašnuvvanduođaštus lea okta koronaduođaštus mii duođašta ahte du koronaiskkusboađus, NAAT- iskkus (PCR dahje sullasaš), leai positiiva ja dearvvašvuođabargi dahje eará gelbbolaš bargi lea váldán dus koronaiskosa. EU- njuolggadusa jelgii de iskosat maid ieš leat váldán eai leat gustovaččat dearvvašnuvvanduođaštussii. Ja máŋga regiovnnat leat geavahan dan vuogi. Dearvvašvuođabargi fertejit váldit iskosa dus.

Dearvvašnuvvanduođaštusas leat spesifihkka eavttut ja de lea eanas olbmuide álkit oažžut boahkuhanduođaštusa dahje iskkusduođaštusa (beare fal covid-19 iskkusboađus lea negatiiva).

Muitte fal ahte ii leat vejolaš gáibidit regiovnnas dearvvašnuvvanduođaštusa jus priváhta dikšoaddi lea váldán dus koronaiskosa.  

Loga makkár njuolggadusat du regiovnnas leat dáppe 1177.se. Muitte maiddái dárkkistit makkár njuolggadusat dan riikkas leat gosa don/dii mátkkoštit.

Dearvvašnuvvanduođaštusa eavttut

Muhtin dilis sáhttá leat vejolaš oažžut dearvvašnuvvanduođaštusa.

Lea beare vejolaš jus máŋga dain čuovvovaš áššiin gusket dutnje:

  • Du covid-19 iskkusboađus lea positiiva.
  • Gelbbolaš dearvvašvuođabargi dearvvašvuođaguovddážis dahje buohcceviesus lea váldán dus iskosa. Iskos ferte leahkit nu gohččojuvvon NAAT- iskos (PCR dahje sullasaš). Iskosat maid ieš leat váldán eai leat gustovaččat. Fuomáš ahte vuosteávnnasiskosat eaige leat gustovaččat EU- njuolggadusaid jelgii.
  • Lea gollan unnimus 11 beaivvi du vuosttáš positiiva iskkusbohtosa maŋŋel.
  • Duođaštus ii leat boarrásit go 180 beaivvi. Rehkenastojuvvo dan beaivvi rájis go don ožžot vuosttaš positiiva iskkusbohtosa. Duođaštus lea de gustovaš eanemus guhtta mánu maŋŋel positiiva iskkusbohtosa
  • Leat deavdán 16 ja dus lea ruoŧa persovdnanummar dahje ovttastahttinnummar (ruo. samordningsnummer).  Fuolaheaddjis lea vejolašvuohta gáibidit dearvvašnuvvanduođaštusa mánáide vuollái 16.

Ná don oaččut dearvvašnuvvanduođaštusa

  1. Jus don deavddát eavttuid ja du koronaiskkusboađus, maid leat váldát dearvvašvuođabálvalusas, lea positiiva de geahča webbasiidus  1177.se got don gáibidat dearvvašnuvvanduođaštusa du regiovnnas.
  2. Jus don leat váldán koronaiskosa, mii leai positiiva, priváhta dikšoaddis  ja máksán PCR- iskosa ovddas de sii sáhttet čálihit dearvvašnuvvanduođaštusa jus sii leat čadnon regiovnnaid sihkkarisvuođainfrastruktuvrii. Váldde oktavuođa dikšoaddin gos don váldet iskosa.
  3. Lea vejolaš váldit oktavuođa dikšoaddin, gos don váldet iskosa, ja gáibit dearvvašnuvvanduođaštusa 11 beaivvi maŋŋel go don ožžot positiiva koronaiskkusbohtosa.
  4. Dikšoaddi čállá E- dearvvašvuođaeiseváldái ja gáibida dearvvašnuvvanduođaštusa.
  5. Jus dus lea digitála poastaloađa (omd Kivra, E-boks dahje Min myndighetspost) de dearvvašnuvvanduođaštusa sáddejuvvo dohko.
  6. Jus dus ii leat digitála poastaloađa de dearvvašnuvvanduođaštus sáddejuvvo čujuhussii, mii lea álbmotregistaris. Jus dus ii leat čujuhus álbmotregistaris de lea vejolaš sáddet duođaštusa máhcahangeatnegahtti reiven.

Ná guhká lea dearvvašnuvvanduođaštus gustovaš

Dearvvašnuvvanduođaštus lea gustovaš 180 beaivvi dan dáhtona rájis go don ožžot positiiva covid-19 iskkusbohtosa.