Leago du boahkuheapmi registrerejuvvon liigenummara (ruo. reservnummer) vuollái?
Jus don leat ožžon boahkuid Ruoŧas, muhto dus ii leat persovdnanummar dahje ovttastahttinnummar (ruo. Samordningsnummer), de du boahkuheapmi lea registrerejuvvon nu gohččojuvvon liigenummara vuollái. Váldde oktavuođa dearvvašvuođabálvalusain jus don háliidat oažžut boahkuhanduođaštusa.
Váldde oktavuođa dearvvašvuođabálvalusain dan regiovnnas gos don leat ožžon boahkuid. Don gávnnat oktavuođadieđuid dáppe 1177.se. Doppe lea diehtu got don dagat du regiovnnas.
Kraven är:
Gáibádusat:
- Don leat ožžon boahkuid covid- 19 vuostá Ruoŧas ja dearvvašvuođabálvalus lea čállán du boahkuheami journálii.
- Du koronaboahkkodosat leat registrerejuvvon liigenummara vuollái.
- Don gáibidat boahkuhanduođaštusa dearvvašvuođabálvalusas dan regiovnnas gos leat ožžon boahkuid. Jus don leat ožžon dosaid sierra regiovnnain, de don galggat váldit oktavuođa dan regiovnnain gos don ožžot dan maŋemus dosa.
- Don fertet čállit čujuhusa gosa boahkuhanduođaštus galgá sáddejuvvot máhcahangeatnegahtti reiven. Don fertet ieš viežžat dan reivve ja fertet maiddái máhttit duođaštit gii don leat dohkkehuvvon legitimašuvnna bokte. Postnord – Dohkkehuvvon legitimašuvnnat.
- Don sáhtát diŋgot boahkuhanduođaštusa, jus fal eavttut dás badjelis leat devdon.
- Jus don leat 16 dahje boarráset de sáhtát ieš diŋgot duođaštusa.
Fuolaheaddji sáhttá gáibidit boahkuhanduođaštusa su mánáide, jus mánát leat nuorat go 18.