Jus dus ii leat e- legitimašuvdna dahje čujuhus álbmotregistaris

Jus dus ii leat e- legitimašuvdna de dus lea vejolašvuohta fitnat apoteahkas. Ruoŧas leat sullii 1 400 apoteahka ja sii sáhttet veahkehit du boahkuhanduođaštusain. Dus lea maid vejolašvuohta diŋgot boahkuhanduođaštusa. Daga ná: čálit skovi, deavdde dan ja sádde dan. Jus dus lea e- legitimašuvdna ja vejolašvuohta geavahit dihtora de mii ávžžuhit du geavahit dán bálvalusa www.covidbevis.se.

Dus lea čujuhus álbmotregistaris muhto dus ii leat e – legitimašuvdna

Dus lea vejolašvuohta diŋgot du koronaduođaštusa. Daga ná: čálit, deavdde ja sádde dán nammasaš skovi  "Beställning av vaccinationsbevis". Duođaštus sáddejuvvo du čujuhussii, mii lea álbmotregistaris. Jus leat rivttes ládje deavdán skovi ja jus dosat leat registrerejuvvon de váldá sullii guokte vahku oažžut boahkuhanduođaštusa.

Jus dus lea e- legitimašuvdna ja vejolašvuohta geavahit dihtora, dihtordulbosa dahje mobiilatelefovnna de mii ávžžuhit du geavahit bálvalusa www.covidbevis.se. Fuomáš ahte liigenummariid (ruo reservnummer) ii mana geavahit.

Dus geas ii leat čujuhus álbmotregistaris

Jus dus lea ovttastahttinnummar (ruo samordningsnummer) ja jus du boahkuheamit leat registrerejuvvon Našuvnnalaš boahkuhanregistarii de dus lea vejolašvuohta ohcat boahkuhanduođaštusa dán ládje : čálit, deavdde ja sádde dán nammasaš skovi "Beställning av vaccinationsbevis för dig som saknar folkbokföringsadress".

Jus dus ii leat čujuhus álbmotregistaris čále dan čujuhusa gosa don háliidat ahte mii sáddet du duođaštusa. E- dearvvašvuođaeiseváldi sádde duođaštusa máhcahangeatnegahtti reiven lagamuš poastakantuvrii dahje gávpái. Don oaččut dieđu go don sáhtát viežžat duođaštusa. Fuomáš ahte ii leat vejolaš geavahit nu gohččojuvvon liigenummara.

Gör så här när du använder blanketterna

Jus geavahat skoviid de daga ná:

  1. Čálit dan skovi maid dárbbašat (geahča dás badjelis  "Relaterad information"vuolde) ja deavdde dan skovi. Muitte vuolláičállit skovi.
  2. Bija skovi konvoluhttii ja sádde dan:

    Covidbevis
    E-hälsomyndigheten
    Box 913
    391 29 Kalmar

    (Ii leat vejolaš sáddet skovi dahje dieđuid du boahkuheami birra šleađgapoastta bokte. Skovi ferte sáddet midjiide poastta mielde.)
  1. Mii viežžat dieđuid Našuvnnalaš boahkuhanregistaris ja jus dus lea čujuhus álbmotregistaris de mii sáddet du koronaduođaštusa báberhámis dan čujuhussii.

Dus, geas ii leat čujuhus álbmotregistaris, oaččut du boahkuhanduođaštusa máhcahangeatnegahttireiven dan čujuhussii, maid leat čállán dan skovvái.

Don gii leat ovdogoziheaddji ja galggat diŋgot koronaduođaštusa du klientii

Klieantta galgá jus lea vejolaš vuolláičállit skovi.

Jusklieantta ii sáhte vuolláičállit de klieantta ovdogoziheaddji oažžu vuolláičállit dokumeantta.

Sádde dan skovi E- dearvvašvuođaeiseváldái, sádde maid registtarmildosa mii duođašta ahte don leat olbmo ovdogoziheaddji.