Jus don leat ožžon boahkuid eará riikkas go Ruoŧas

Jus don leat ožžon boahkuid EU/EES siskkobealde

Jus don leat ožžon ovtta dahje máŋga koronaboahkkodosaid eará riikkas EU /EES siskkobealde de berret dutkat jus lea vejolaš oažžut gustovaš EU boahkuhanduođaštusa dan riikkas.

Jus ii leat vejolaš de sáhtát váldit oktavuođa Stáhta bálvalusguovddážiin (ruo Statens servicecenter). Doppe sáhtát ohcat ruoŧa boahkuhanduođaštusa ja maiddái čájehit du identiteahttabáhpiriid ja boahkuheami originálabáhpiriid, gos oaidná maid boahkuid don leat ožžon olgoriikkas.

Don leat čálihuvvon Ruoŧas ja dus ferte maiddái doaibmat digitála poastaloađa, gosa poastta eiseválddis boahtá.  

Boahkuid, maid leat eará riikkas ožžon, eai registrerejuvvo Našuvnnalaš boahkuhanregistarii.

Jus don leat ožžon boahkuid olggobealde EU/EES?

Don gii leat ožžon boahkuid ovtta riikkas olggobealde EU/EES sáhtát váldit oktavuođa Stáhta bálvalusguovddáža (ruo. Statens servicecenters) kantuvrrain. Sii dárkkistit boahkuhemiid maid leat ožžon goalmmát riikkas.

Muitte ahte fertet deavdit muhtin eavttuid:

• Don fertet ožžon boahkuid covid-19 vuostá. EU ferte dohkkehan boahkuid dahje boahkut leat Máilmmidearvvašvuođa organisašuvnna (WHO) listtus, gos leat boahkut mat leat heahtedohkkehuvvon.
• Don fertet dan goalmmát riikkas ožžon dan maŋemus koronaboahku ovtta ráiddus ja galggat maid čájehit sihke identiteahttabáhpiriid ja originálabáhpiriid, daid boahkuhemiid birra maid leat ožžon.
• Don leat čálihuvvon Ruoŧas ja dus lea digitála poastaloađa, gosa poasta eiseválddis boahtá.  

Don, gii leat 16 dahje boarráset, sáhtát ieš ohcat boahkuhanduođaštusa jus dus lea digitála poastaloađa.

Fuolaheaddji sáhttá ohcat boahkuhanduođaštusa su mánáide, geat leat vuollái 18. Boahkuhanduođaštus sáddejuvvo du čujuhussii álbmotregistaris.

Boahkut, maid leat ožžon eará riikkas, eai registrerejuvvo Našuvnnalaš boahkuhanregistarii.

Jus don leat ožžon koronaboahkkodosaid eará riikkas ja galggat váldit du boahttevaš dosa Ruoŧas

Jus don leat ožžon boahkuid eará riikkas ja galggat oažžut koronaboahku booster-dosa de mii ávžžuhit du váldit dan Ruoŧas.

• Váldde mielde ja čájet buot dokumeanttaid du boahkuheami birra, maid leat ožžon eará riikkas. Dalle dikšoaddi, gii addá dutnje boahkuid, sáhttá árvvoštallat man dosa don galggat oažžut ja registreret rivttes dosa journálavuogádahkii ja maiddái  Našuvnnalaš boahkuhanregistarii.
• Jus dus lea ruoŧa persovdnanummar ja e- legitimašuvdna de lea vejolaš viežžat boahkuhanduođaštusa čieža beaivvi maŋŋel boahkuheami.  Viečča dáppe www.covidbevis.se

Jus dus ii leat e- legitimašuvdna de lea vejolaš váldit oktavuođa apoteahkain ja oažžut veahki čálihit boahkuhanduođaštusa.

Jus dus lea ovttastahttinnummar (ruo samordningsnummer) de don fertet gáibidit boahkuhanduođaštusa dán čuovvovaš skovi bokte "Beställning av vaccinationsbevis".

Jus dus ii leat persovdnanummar, iige ovttastahttinnummar ja du boahkuheapmi lea registrerejuvvon liigenummara (ruo reservnummer) vuollái de don fertet váldit oktavuođa dikšoaddiin 1177.se bokte.

Jus dearvvašvuođabálvalus ii máhte dieđihit du koronaboahku booster-dosa rivttes nummariin (dosanummar) de lea vejolaš váldit oktavuođa E- dearvvašvuođaeiseválddi kunddarbálvalusain.