Boahkuhanduođaštus ruoŧŧelaččaide geat leat ožžon boahkuid goalmmát riikkas

Gáibádusat:

• Don leat čálihuvvon Ruoŧas ja
• Dus lea digitála poastaloađa, gosa poasta eiseválddis boahtá

Don fertet ožžon boahkuid covid-19 vuostá ja EU ferte dohkkehan daid boahkuid dahje boahkut leat Máilmmidearvvašvuođa organisašuvnna (WHO) listtus, gos leat heahtedohkkehuvvon boahkut.

Don leat dan goalmmát riikkas ožžon dan maŋemus koronaboahku ovtta ráiddus. Goalmmát riika leat sihke riikkat olggobealde EU/EES ja maid riikkat gos ii leat vejolaš oažžut boahkuhanduođaštusa, vaikko riikkas lea EU digitála koronaduođaštus vuogádat.

Don fertet čájehit identiteahttabáhpiriid ja originálabáhpiriid, daid boahkuhemiid birra maid leat olgoriikkas ožžon.

Don gii leat 16 dahje boarráset sáhtát ieš viežžat boahkuhanduođaštusa. Fuolaheaddji sáhttá gáibidit boahkuhanduođaštusa su mánáide geat leat vuollái 18. Boahkuhanduođaštus sáddejuvvo fuolaheaddji čujuhussii álbmotregistaris.

Boahkuid maid leat ožžon goalmmát riikkas eai registrerejuvvo Našuvnnalaš boahkuhanregistarii Ruoŧas.

Oza boahkuhanduođaštusa Stáhta Bálvalusguovddážis (Statens servicecenter)

Stáhta Bálvalusguovddáš dárkkista dokumeanttaid boahkuhemiid birra maid leat ožžon goalmmát riikkas.

Jus don leat ožžon boahkuid goalmmát riikkas de don sáhtát ohcat boahkuhanduođaštusa Stáhta Bálvalusguovddážis. Fina kantuvrras go galggat ohcat boahkuhanduođaštusa:

Stockholmmas

Servicekontor, Stockholm Odenplan
Odengatan 54, Stockholm
Eanet dieđut

Servicekontor, Liljeholmen
Liljeholmsvägen 22, Stockholm
Eanet dieđut

Göteborggas

Servicekontor, Järntorget
Första Långgatan 1, Göteborg
Eanet dieđut

Malmö

Servicekontor, Malmö City
Kattsundsgatan 7, Malmö
Eanet dieđut

Servicekontor, Malmö Värnhem
Köpcenter Entré, Fredsgatan 21, Malmö

Lulájis

Servicekontor, Luleå
Strand Galleria, Storgatan 33, Luleå
Eanet dieđut

Daga ná

Jus don háliidat ohcat boahkuhanduođaštusa ja deavddát daid gáibádusaid, mat namuhuvvot dán oasis, fina kantuvrras (geahča čujuhusa dás badjelis).

Váldde mielde gustovaš identiteahttabáhpiriid ja originálabáhpiriid du boahkuheami birra maid leat ožžon covid-19 vuostá. Váldde maid mielde dokumeanttaid daid dosaid birra maid leat ožžon Ruoŧas.

Stáhta Bálvalusguovddáš  dárkkista du identiteahta ja dárkkista maid dokumeanttaid du boahkuheami birra.

Stáhta Bálvalusguovddáš sádde ášši E- dearvvašvuođaeiseváldái. Sii maid dárkkistit ja mearridit jus čálihit boahkuhanduođaštusa. Boahkuhanduođaštus sáddejuvvo du digitála poastalođái.

Dohkkehuvvon legitimašuvnnat

Dohkkehuvvon identiteahttabáhpirat:

• Identiteahttakoarta maid Vearrodoaimmahat lea čálihan
• Ruoŧa pássa mas lea sevdnjes rukses olggoš
• Ruoŧa našuvnnalaš identiteahttakoarta
• Ruoŧa vuodjinkoarta
• Ruoŧa identiteahttakoarta, mas lea SIS- mearka, maid omd báŋku, fitnodat, eiseváldi dahje Svensk Kassaservice lea čálihan

Ruoŧa virgekoarta  (mas ii leat SIS- mearka) maid stáhtalaš eiseváldi lea čálihan