Jearaldagat ja vástádusat

Dáppe leat dábálaš jearaldagat maid mii oažžut

Mun in oainne visot koronaboahkkomeriid boahkuhanduođaštusas. Maid mun dalle?


Diehtu du boahkuheami birra boahkuhanduođaštusas lea:

”1 mearri  1/2” dahje

”2 meari 2/2” dahje

“3 meari 3/3”.

Jus leat ožžon guokte boahkuid ja boahkuhanduođaštusas lea “2 meari 2/2” de lea visot ortnegis.

Jus ii leat riekta:

1. Dárkkis ahte lea gollán unnimus čieža beaivvi dan rájis go leat ožžon boahkuid.

2. Jus lea gollán jándor dan rájis go maŋemuš vižžet boahkuhanduođaštusa viečča de ođđa.

3. Jus dus váilot mearit du covidduođaštusas vuordde de moadde beaivvi ja geahččal oktii vel dasgo vuogádat divvojuvvo joatkevaččat.

4. Jus leat geahččalan vugiid dás badjelis ja oainnát ain seamma covidduođaštusa de sáhtát geahččalit eará ládje- geahččal dihtoriin jus ovdal geahččalit telefovnnain dahje nuppe ládje. (Boares boahkuhanduođaštus soaitá leat ain dihtoris/telefovnnas) 

5. Jus leat geahččalan buot vugiid dás badjelis ja du boahkuhanduođaštus lea ain boastut ja galggat  hede vuolgit mátkkoštit de lea vejolaš sáddet dieđu min kunddarbálvalussii. Boahkuhanduođaštus lea beare reaissuide. Ale váldde oktavuođa min kunddarbálvalusain jus don it leat vuolgime mátkkoštit hede.

Gávdnojit máŋgga ákkat manin don it oainne du goappaš meriid. Dábáleamos ágga lea ahte dikšoaddi ii leat geargan vel bidjat dieđuid Našuvnnalaš boahkuhanregisterii. Ja diehtu doppe lea vuođđu boahkuhanduođaštussii. Dieđut du boahkuheami birra leat moadde beaivvi (eanemusat čieža beaivvi) maŋŋel boahkuheami Našuvnnalaš boahkuhanregisteris.

Regiovnnain lea ovddasvástádus registreret boahkuid Našuvnnalaš boahkuhanregisterii ja doppe vižžo diehtu boahkuhanduođaštusaide. Juohke regiovdna barggaha máŋga sierra fitnodagaid geat addet boahkuid.

Jus lea gollán eanet go čieža beaivvi ja soames mearri váilo du covidduođaštusas váldde de oktavuođa E- dearvvašvuođaeiseválddi kunddarbálvalusain covidbevis@ehalsomyndigheten.se Čále nama, telefovdnanummára, dáhton goas ožžot boahkuid ja maid man regiovnnas don ožžot boahkuid.

Jus lea juoga boastut du boahkuid registreremis de mii veahkehit du váldit oktavuođa du regiovnnain.

Galgágo juovlamánu 1. beaivvi rájis geavahit boahkuhanduođaštusa doaluin siste?

Juo, ráđđehus lea mearridan ahte boahkuhanduođaštusa sáhttá geavahit njoammueastadanbidjun almmolaš doaluin ja čoahkkimin, mat leat siste ja gos leat eanet go 100 olbmo. Olbmot geat leat 18 ja boarráset fertejit vuosehit boahkuhanduođaštusa jus lágideaddji gáibida dan. Lágideaddjit geat eai gáibit boahkuhanduođaštusa fertejit  doaluid oktavuođas čuovvut Álbmotdearvvašvuođaeiseválddi njoammuneasttadan njuolggadusaid.

Manin galgá vuosehit boahkuhanduođaštusa almmolaš čoahkkimin ja doaluin gos leat eanetgo 100 olbmo ja lágiduvvot siste?

Ulbmil lea ráddjet njoammunleavvama earet eará sin gaskkas geat eai leat váldán boahkuid. Dán ládje sihke doaimmain lea vejolašvuohta váldit vuostá gussiid ja olbmot, geat eai leat váldán boahkuid, eai sáhte čoahkkanit stuora joavkkuide. Olbmot geat leat 18 ja boarráset fertejit vuosehit boahkuhanduođaštusa.

Makkár doaluin galggan vuosehit boahkuhanduođaštusa?

Almmolaš čoahkkimin ja almmolaš doaluin mat lágiduvvot siste ja gos leat eanet go 100 olbmo. Omd earet eará valáštallandoaluin,  kinoin ja teáhterčájálmasain ja konsearttain.

Jus mus ii leat boahkuhanduođaštus leago lágideaddjis riekti biehttalit mu boahtimis doaluide?

Juo, lea.

Leago vejolaš vuosehit negatiiva iskkus duođaštusa ( iskkusduođaštus) dahje dearvvašnuvvanduođaštusa almmolaš čoahkkimin ja almmolaš doaluin?

Ii leat, beare boahkuhanduođaštus dohkkehuvvo.

Manin mu boahkuhanduođaštusas lea beare okta dáhton goas válden boahkuid?

Boahkuhanduođaštusas oaidná jus leat ožžon ovtta, guokte dahje golbma meriid. Omd jus leat ožžon guokte meriid de oainnát “2 meari 2/2”. Jus leat ožžon golbma meriid de oainnát “ 3 meari 3/3”.

Doppe oainnát beare ovtta dáhtona- dan gávnnat bajilčállaga vuolde “maŋemus boahkuheami dáhton”. Fuomáš ahte beare maŋemus boahkuhan dáhton lea čállon.

Mus ii leat e – legitimašuvdna. Maid mun dalle?

Dáppe gávnnat dieđu got oaččut e- legitimašuvnna: Skaffa e-legitimation | Elegitimation (e-legitimation.se)

Dus geas ii leat dohkálaš e- legitimašuvdna sáhtát maid gáibidit boahkuhanduođaštusa. Muhto dus ferte leahkit ruoŧa persovdnanummár ja dieđusge don fertet maid váldán boahkuid.

Lea vejolaš ohcat E- dearvvašvuođaeiseválddis skovi bokte blankett

Čálit skovi ja deavdde dan. Bija konvoluhttii ja sádde dan E- dearvvašvuođaeiseváldái.

Covidbevis

E-hälsomyndigheten
Box 913
391 29 Kalmar

(Muitte fal čálistit vuollái dan skovi!)

Ale geavtte skovi jus dus lea e- legitimašuvdna ja sáhtát geavahit neahtta- geavat de bálvalusa dáppe www.covidbevis.se

Olbmuin geas ii leat ruoŧa persovdnanummár sáhttetgo sii oažžut boahkuhanduođaštusa?

Jus dus lea ovttastahttinnummár ja dus ii leat čujuhus álbmotregisteris ja don leat ožžon boahkuid de geavat dán skovi denna särskilda blankett. Duođaštus sáddejuvvo omd gávpái dahje poastakantuvrii  ja PostNord dieđiha goas lea vejolaš viežžat reivve.

Juste dál ii leat čoavddus dutnje gean boahkuheapmi lea registrerejuvvon liigenummára vuolde. Ráđđehus lea E-dearvvašvuođaeiseváldái addán barggu čállit boahkuhanduođaštusa joavkkuide geas dál odne ii leat vejolašvuohta oažžut duođaštusa.  Ulbmil lea ahte doaibmá jahkemolsumii 2021-2022.

Jus dus lea ruoŧa persovdnanummár muhto du boahkuheapmi lea registrerejuvvon liigenummára dahje ovttastahttinnummára vuollái váldde de oktavuođa dan fitnodagain gos ožžot boahkuid. Siđa sin registreret du boahkuheami du persovdnanummára vuollái.

Dárbbašango covidduođaštusa jus galggan mátkkoštit?

It. Jus galggat mátkkoštit EU:as de ii gáibiduvvo covidduođaštus. Covidduođaštus ráhkaduvvui álkidahttin dihte reaissuid eará riikkaide EU:as.

Gávdnojit golbma sierra lágan covidduođaštusa: boahkuhanduođaštus, iskkusduođaštus ja dearvvašnuvvanduođaštus.

Álbmotdearvvašvuođa webbasiiddus leat dieđut dutnje gii áiggut mátkkoštit. Folkhälsomyndighetens webbplats

Muhtin riikkat gáibidit duođaštusa mii duođašta ahte dus ii leat covid-19 jus galggat beassat sisa riikii. Eará riikkat gáibidit duođaštusa mii duođašta ahte riikkaássit besset ruoktut ja eai dárbbaš čohkkát erremis. Sierra riikkat gáibidit sierra lágan duođaštusaid ja danin fertet ohcat dieđuid makkár njuolggadusat leat dan riikkas gosa galggat mátkkoštit.

Oza álggus dieđuid olgoriikareaissuid birra olgoriikadepartemeanttas Utrikesdepartementet (UD). Ambassádaid webbasiiddus Sweden Abroad leat dieđut sierra riikkaid njuolggadusaid birra. Olgoriikadepartemeantta áppas UD:s app resklar lea álkit ohcat dieđu du mátkebáikki njuolggadusaid birra.

Mun lean váldán nuppát boahkkomeari eará riikkas EU:as. Leago vejolaš oažžut dohkálaš boahkuhanduođaštusa?

Don vieččat boahkuhanduođaštusa dáppe www.covidbevis.se jus leat ožžon boahkuid Ruoŧas ja jus dus lea ruoŧa e- legitimašuvdna.

Jus don leat váldán vuosttaš boahkkomeari Ruoŧas de vuosttaš mearri oidno du boahkuhanduođaštusas.

Jus leat ožžon boahkuid dahje jus leat váldán koronaiskosa eará riikkas EU:as de berret dutkat got don oaččut boahkuhanduođaštusa dan riikkas. Nu lea maid jus don leat ožžon du nuppát boahkkomeari eará riikkas EU:as.

Mun lean ožžon boahkuid ovtta riikkas olggobealde EU:a. Leago vejolaš oažžut boahkuhanduođaštusa?

Ráđđehus lea addán barggu E-dearvvašvuođaeiseváldái čállit boahkuhanduođaštusa ruoŧŧelaččaide geat leat ožžon boahkuid eará riikkain olggobealde EU:a. Ulbmil lea ahte galgá doaibmat jahkemolsumii 2021-2022.

Maid mun dagan jus mun lean ožžon mu vuosttaš boahkkomeari olgoriikkas ja dan nuppi meari Ruoŧas, ja in oainne goappaš meriid mu boahkuhanduođaštusas?

Jus leat váldán oktavuođa dikšoaddiin ja sis ii leat vejolašvuohta veahkehit du, de sáhtát váldit mielde reisui sihke boahkuhanduođaštusa dahje boahkuhanduođaštusa dan riikkas gos ožžot du vuosttaš boahkkomeari ja du ruoŧa boahkuhanduođaštusa. De dat riika gosa leat mátkkošteamen mearrida jus duođaštusat dohkkehuvvot.

Eará vejolašvuohta lea ahte don válddat covid-19 iskosa Ruoŧas ja jus iskkusboađus lea negatiiva de don de oaččut iskkusduođaštusa.

Dán liŋkkas lea diehtu got oaččut duođaštusa ahte du covid iskkusboađus  lea n Här kan du läsa mer om hur det går till att få bevis på negativt covidtest

Man guhká leat dat sierrá covidduođaštusat gustovaččat?

Jus du boahkuhanduođaštus lea čállon suoidnemánu 1. beaivvi- čakčamánu 30. beaivvi gaskkas de duođaštus lea gustovaš 90 beaivvi.

Jus du boahkuhanduođaštus lea čállon golggotmánu 1. beaivvi – juovlamánu 31. beaivvi  gaskkas de duođaštus lea gustovaš 180 beaivvi.

Juohke miellahttu riika mearrida man guhká PCR- iskosat ja antigena iskosat leat gustovaččat iskkusduođaštussii. Oza dieđuid makkár njuolggadusat du mátkebáikkis leat ovdal go válddat iskosa. 

Dearvvašnuvvanduođaštus lea gustovaš 180 beaivvi dan dáhtona rájis go don ožžot du vuosttaš positiiva iskkusbohtosa.

Gos mun vuosehan mu covidduođaštusa?

Covidduođaštusa galggat earet eará vuosehit identiteahtta dárkkistemiid oktavuođas ráji nalde. Ane du covidduođaštusa lahkosis olles reaissu.

Muitte beare áiggil ovdal reaissu dárkkistit makkár njuolggadusat dan riikkas leat gosa don galggat mátkkoštit. Viečča olgoriikadepartemeantta áppa doppe lea áigeguovdilis diehtu du mátkebáikki birra appen UD Resklar. Ambassádain leat maid áigeguovdilis mátkkoštandieđut dáppe aktuell reseinformation på Sweden Abroad.

Juovlamánu 1. beaivvi 2021 rájis de boahkuhanduođaštus gáibiduvvo maid doaluin, mat lágiduvvot siste ja gos leat eanet go 100 olbmo.

Dárbbašitgo mánát (0-18 jagi gaskkal) covidduođaštusa jus galget mátkkoštit Eurohpás?

Riikkat EU:as mearridit ieža makkár njuolggadusat sis leat. Dat mearkkaša ahte lea dehálaš ohcat dieđuid sierrá riikkaid sisabeassan njuolggadusaid birra, jus dii plánebehtet mátkkoštit dohko dahje reiset soames riika bakto. Olgoriikkadepartemeanttas leat áigeguovdilis dieđut sierra riikkaid njuolggadusaid birra.

Dáppe vieččat boahkuhanduođaštusa du mánnái Covidbevis.se

Mánát geat leat deavdán 16 jagi ja jus sis lea e-legitimašuvdna sáhttet ieža viežžat boahkuhanduođaštusa dáppe covidbevis.se. Lea vejolaš viežžat boahkuhanduođaštusa čieža beaivvi maŋŋel boahkuheami. 

Fuolaheaddjit mánáide, geat leat ožžon boahkuid Ruoŧas, sáhttet gáibidit boahkuhanduođaštusa dán skovi bokte Beställning av vaccinationsbevis för personer under 18 år. Skovvi lea eiseválddi webbasiiddus. Skovi dárbbašat beare jus dus ii leat e- legitimašuvdna ja de ii leat vejolaš viežžat duođaštusa dáppe Covidbevis.se.

Jus galggat oažžut boahkuhanduođaštusa skovi bokte de lea meannudanáigi juste dál eahpesihkkar.

Mánát vuollái 18 sáhttet maid oažžut iskkusduođaštusa. Máná fuolaheaddji galgá ohcat iskkusduođaštusa ja fuolaheaddji maid oažžu dan. Mánná mii lea 16 ja boarráset oažžu ieš ohcat ja oažžu maid ieš iskkusduođaštusa.

Mánát vuollái 18 sáhttet maid oažžut dearvvašnuvvanduođaštusa. Máná fuolaheaddji galgá ohcat dearvvašnuvvanduođaštusa ja fuolaheaddji maid oažžu dan. Mánná mii lea 16 ja boarráset oažžu ieš ohcat ja oažžu maid ieš dearvvašnuvvanduođaštusa.

Leago ain vejolaš beassat sisa eará riikkaide jus dus lea duođaštus báberhámis ahte leat váldán PCR- iskosa?

Maŋŋel 12 b. borgemánus lea EU- njuolggadus covidduođaštusa birra fámus ja de fertet E- dearvvašvuođaeiseválddis oažžut du iskkusduođaštusa. Dáppe oainnát makkár njuolggadusat leat negatiiva covidduođaštusa ektui ja dikšoaddit geat dárjut dan. Här kan du se vad som gäller för bevis på negativt covidtest och vilka vårdgivare som erbjuder detta.

Lea dehálaš ahte dárkkistat makkár gáibádusat du mátkebáikkis leat sisabeassama ektui.

Oza álggus dieđuid olgoriikareaissuid birra olgoriikadepartemeanttas Utrikesdepartementet (UD). Ambassádaid webbasiiddus Sweden Abroad leat njuolggadusat sierra riikkaid njuolggadusaid birra. UD:s app resklar olgoriikkadepartemeanta áppa álkidahttá gávdnat dieđuid makkár njuolggadusat du mátkebáikkis leat.

Leago covidduođaštus gustovaš eará oktavuođas go reaissuin, omd konsearttain, teáhter čájálmasain ja valáštallandoaluin?

Juovlamánu 1. beaivvi 2021 rájis de gáibiduvvo boahkuhanduođaštus doaluide mat lágiduvvot siste ja gos leat eanet go 100 olbmo.

EU:a njuolggadusat digitála covidduođaštusa birra lea vuođđu covidduođaštussii. Covidduođaštusa ulbmil lea álkidahttit olgoriikkareaissuid EU:as ja EES:as.

Riikkaid ráđđehusat mearridit pandemiijaráddjemiid, omd jus gáibidit ahte olbmot leat váldán boahkuid go galget museai, valáštallangilvvuide dahje kafeaide.  

Doaibmágo mu covidduođaštus jus mun eará riikkain galggan mannat teáhteris, museas, restoráŋŋas ja sullasaš báikkiide? 

Covidduođaštus maid E- dearvvašvuođaeiseváldi čállá lea hábmejuvvon nu ahte galgá geavahuvvot sisabeassamii eará riikkaide EU:as ja EES:as. Muhtin riikkat leat maid válljen viiddidit digitála covidduođaštusa geavaheami. 

E-dearvvašvuođaeiseváldi ii sáhte dáhkidit ahte covidduođaštus doaibmá eará oktavuođas go reaissuid oktavuođas , sisabeassan riikkaide, EU:as. Jus juoga ii doaimma go skannet covidduođaštusa omd sisabeassamis kultuvra doaluide ja restoráŋŋaide de fertet ilmmuhit dan báikkálaččat, dan riikkas gos leat. 

Don fertet iskkat makkár gáibádusat leat sihke riikkain gosa mátkkoštat ja riikkain man bakto don mátkkoštat. Oza álggos dieđuid olgoriikkareaissuid birra olgoriikadepartemeanttas Utrikesdepartementet (UD). Ambassádaid webbasiiddus Sweden Abroad leat dieđut sierra riikkaid njuolggadusaid birra. Olgoriikadepartemeantta áppa  UD:s app resklar álkidahttá ohcat dieđu makkár njuolggadusat du mátkebáikkis leat.

Leago boahkuhanduođaštus beare ruoŧa álbmotlahtuide?

Don dárbbašat ruoŧa persovdnanummára, don fertet ožžon boahkuid Ruoŧas ja dus ferte leahkit dohkálaš ruoŧa e- legitimašuvdna oažžun dihte boahkuhanduođaštusa Ruoŧas.

Jus leat ožžon boahkuid Ruoŧas muhto dus lea ovttastahttinnummár ja dus ii leat čujuhus álbmotregisteris de lea vejolaš diŋgot boahkuhanduođaštusa dán skovi bokte denna blankett. De du duođaštus sáddejuvvo ja fertet viežžat dan go PostNord dieđiha ahte reive lea boahtán du poastakantuvrii.

Juste dál mis ii leat čoavddus daidda geat leat ožžon boahkuid liigenummára bokte. Ráđđehus lea E-dearvvašvuođaeiseváldái  addán bargun čállit boahkuhanduođaštusa daidda geas odne ii leat vejolašvuohta oažžut duođaštusa. Ulbmil lea ahte galgá doaibmat jahkemolsumii 2021-2022.

Got oaččun iskkusduođaštusa go galggan mátkkoštit?

Don fertet váldit oktavuođa fitnodagain geat váldet iskosiid ja geas lea ovttasbargu E- dearvvašvuođaeiseválddiin. Don fertet dohkkehit ahte fitnodat juohká du iskkusbohtosa E- dearvvašvuođaeiseválddiin. Jus du iskkusboađus lea negatiiva de fitnodat juohká dan dieđu E-dearvvašvuođaeiseválddiin. Mii sáddet iskkusduođaštusa QR- kodain fitnodahkii ja sii de addet iskkusduođaštusa dutnje. Jus dus lea digitála poastaloađa de E- dearvvašvuođaeiseváldi sádde duođaštusa dohkko.

Via den här länken hittar du en lista på de företag som är anslutna till tjänsten Covidbevis

Manin ieš váldon iskosat eai dohkkehuvvo?

Go ieš váldá iskosa de ii oktage dárkkis ahte iskkus lea váldon njuolga vugiin ja de sii eai leat luohtehahttit.  Dearvvašvuođabargi dahje gelbbolaš iskkusbargi ferte váldit iskosa jus galggat oažžut covidduođaštusa. 

Leago vejolaš váldit iskosa vaikko man iskkusfitnodagas oažžun dihte iskkusduođaštusa?

Ii leat. Beare fitnodagat, geas lea ovttasbargu E- dearvvašvuođaeisiválddiin covidduođaštus bálvalusa bokte, sáhttet addit iskkusduođaštusa EU:a standárdda jelgii.

Här hittar du en lista över de vårdgivare som är anslutna till tjänsten Covidbevis

Iigo lea vejolaš mátkkoštit maŋŋel 12 b. borgemánus jus mus ii leat covidduođaštus?

EU:a covidduođaštusa njuolggadusaid jelgii heivehanáigodat leai gustovaš 12 b. borgemánu rádjái,  EU:s förordning om covidbevis. Maŋŋel dan dáhtona de leat beare covidduođaštusat, maid E-dearvvašvuođaeiseváldi, lea čállán gustovaččat go don ráji nalde eará EU: a riikii galggat vuosehit ahte leat ožžon boahkuid, ahte du iskkusboađus lea negatiiva dahje ahte leat dearvvašnuvvan maŋŋel covid-19.

Covidduođaštusa ulbmil lea álkidahttit friddja johtima EU:a siskkobealde. Muhto covidduođaštus ii dáhkit dan. Lea dehálaš álot iskkat makkár njuolggadusat, sisabeassama, errema ja iskosiid ektui, dan riikkas leat gosa leat mátkkošteamen.

Oza álggoš dieđuid olgoriikareaissuid birra olgoriikadepartemeanttas Utrikesdepartementet (UD). Ambassádaid webbasiiddus Sweden Abroad lea diehtu sierra riikkaid njuolggadusaid birra.  UD:s app resklar olgoriikadepartemeantta áppa álkidahttá ohcat dieđu makkár njuolggadusat du mátkebáikkis leat.

Fuomáš ahte fertet maid ohcat dieđuid dan birra makkár njuolggadusat leat dan riikkas dahje daid riikkain man bakto don mátkkoštat ovdalgo ollet loahppabáikái.

Mii lea dearvvašnuvvanduođaštus?

Dearvvašnuvvanduođaštus lea okta lágan covidduođaštus mii duođašta ahte dearvvašvuođabargi lea dus váldán NAAT- iskosa (omd PCR) ja dan boađus leai positiiva.  Dearvvašnuvvanduođaštus duođašta de ahte dus lea leamašan covid -19.

Muhtin dilis lea vejolaš oažžut dearvvašnuvvanduođaštusa , muhto eanas olbmuide Ruoŧas lea beare vejolaš oažžut boahkuhanduođaštusa ja iskkusduođaštusa. Eanas Ruoŧas geat leat ožžon positiiva iskkusbohtosiid leat ieža váldán iskosa, ja dakkár iskosat eai leat gustovaččat dearvvašnuvvanduođaštussii EU- njuolggadusa jelgii. Bargi ferte váldit  iskosa dus.

Jus leat ožžon boahkuid covid-19 vuostá de sáhtát viežžat du boahkuhanduođaštusa dáppe covidbevis.se. Dalle it dárbbaš dearvvašnuvvanduođaštusa.

Mus lea leamašan covid-19 got mun oaččun dearvvašnuvvanduođaštusa?

Álggos lea dehálaš jurddašit jus deavddát gáibádusaid. Du covid-19 iskkusboađus ferte leamašan positiiva. Gelbbolaš dearvvašvuođabargi ferte váldán dan NAAT- iskosa. Ieš váldon iskosat eai leat dohkálaččat EU- njuolggadusa jelgii. Don fertet leahkit 16 jagi ja dus ferte leahkit ruoŧa persovdnanummár.

Go leat dearvvašnuvvan ja lea gollán unnimus 11 beaivvi maŋŋel go ožžot positiiva iskkusbohtosa de sáhtát gáibidit dearvvašnuvvanduođaštusa dikšoaddis. Fertet beare deavdit daid eavttuid dás badjelis. 

Daga ná:

  1. Váldde oktavuođa dearvvašvuođadivššuin 1177.se bokte ja vállje du regiovdna siiddu nu ahte oaččut dieđu makkár njuolggadusat du regiovnnas leat.
  2. Dikšoaddisádde dieđu E-dearvvašvuođaeiseváldái ja sii čallet dearvvašnuvvanduođaštusa.
  3. Jus dus lea digitála poastaloađa (E-boks, Kivra eller Min myndighetspost) de du dearvvašnuvvanduođaštus sáddejuvvo dohkko.
  4. Jus dus ii leat digitála poastaloađa de du dearvvašnuvvanduođaštus sáddejuvvo čujuhussii mii lea álbmotregisteris.

Leago vejolaš oažžut ruoŧa dearvvašnuvvanduođaštusa jus covid-19 iskkus lea váldon eará riikkas?

Ii leat. Dearvvašvuođabargi dahje gelbbolaš iskkusbargi Ruoŧas ferte dus váldit NAAT- iskosa.

Jus leat váldán iskosa eará EU riikkas de dus lea EU- njuolggadusa jelgii riekti oažžut dearvvašnuvvanduođaštusa dan riikkas.

Makkár covidduođaštusat gávdnojit ja mii lea earru daid gaskkas?

Jus galggat mátkkoštit de gávdnojit golbma sierra lágan covidduođaštusa. Jus leat ožžon boahkuid de lea álkimus oažžut boahkuhanduođaštusa ja de it bija lassinoađi dearvvašvuođadikšui dušši dihte. Don vieččat du boahkuhanduođaštusa dáppe covidbevis.se.

Jus it leat ožžon boahkuid de lea vejolaš váldit covid-19 iskosa ja jus iskkusboađus lea negatiiva de oaččut iskkusduođaštusa dáppe testbevis. Dus geas lea leamašan covid-19 sáhtát muhtin dilis oažžut dearvvašnuvvanduođaštusa tillfrisknandebevis.