Adžahar čitinea tlo testeskoro dokaz

Dobindžan e testeskoro dokaz hem mangea te džane so značinela i informacia? Tegani šaj te učestvuine ko akava vodiči so objasninela so o dokaz saikerela hem so o različito kotora značinena.

En bild som beskriver ett testbevis, förklaringen ligger i text under.

E testeskoro dokaz saikerela naredno informacia:

1: Prezime hem anav

Tlo soro anav.

2: Bijandipaskoro datum

Tle bijandipaskoro datum (soj tane odola ofto gende ko tlo matično gendo).

3: Edinstveno id e dokazeske

Sakone kovid dokaze isi jekh edinstveno identiteteskoro gendo.

4: Phuv kote o testi tano izvršimo

Akate pišinela ki savi phuv o testi tano izvršimo.

5: Vrsta testi

Vrsta testi, či te razjasninelpe soj tano jekh vrsta testi kova tano priznaimo ko EU. Šaj te oven duj testeskere vrste:

1. Rapid immunoassay = RAT (Rapid Antigeni Test), kaske vakerelape sigutno testi.

2. Nucleic acid amplification with probe detection = NAAT/PCR-testi.

6: Nasvalipa ja zarazno materia

Akate pišinela kovid-19.

7: Testeskoro rezultati

”Not detected (negative)" akate ka pišinel, so sian sine negativno testirimo bašo kovid-19.

8: E testeskoro proizvoditeli (dobrovolno ko NAAT-testi)

Akate šaj ka pišinel e testeskoro proizvoditeli. Ama odova tano dobrovolno keda kjerelape lafi bašo NAAT-testi (ko misal PCR-testi).

9: O datum hem e analizakoro lejbaskoro vakti. 

Zavisno taro o datum hem o vakti keda liljape i analiza šaj te računine e važibaskoro vakti e testeskere dokazeske. Pazin so e važibaskoro vakti uobično tano kratko, sade 48–72 sahatia. Kontrolirin ko Swedenabroad.se savo važibaskoro vakti rodelape tle drumoskere cileske.

10: O than e analizakoro lejba (dobrovolno bašo RAT) 

E sastljaribaskoro dejdžia kote so testirindžan tut ka pišinelpe akate.

11: This certificate is not a travel document/Akava dokaz nae nisavo drumoskoro dokumenti

Akava formuliriba sade značinela jekh haljovkeriba so o dokaz nae slično e pasovanea, dozvola vozibaske, lično karta ja karta drumoske. O dokaz šaj te koristinelpe pri džajba drumo ko EU hem avera evropakere phuvja so priznainena EU:ro digitalno kovid dokaz, ko misal Norveška, Švajcaria, Island hem Lihtenštajn.