Odgovoria ko obično pučiba bašo kovid dokaz
Akate arakhea odgovoria ko o hemobično pučiba so dobinaja bašo kovid dokaz.
Save razno tipia kovid dokazia isi hem kola tane o razlike?
Isi trin razno tipia kovid dokazia. Te sian vakcinirimo jekh vakcinaciakoro dokaz tano poednostavno hem polokho. Lea tlo vakcinaciakoro dokaz ko covidbevis.se.
Te na sian vakcinirimo isi šaipa te kjere kovid -19 testi hem te o testi tano negativno te dobine testeskoro dokaz. Tuke so sian sine nasvalo taro kovid -19 isi ko disave posebno slučaevia šaipa te rode sastljaribaskoro dokaz.
Na sium vakcinirimo, šal li ipak te cidav ko drumo?
Te na sian vakcinirimo šak te koristine disavo taro duj avera kovid dokazia.
Kobor vakti važinena o razno kovid dokazia?
Jekh vakcinaciakoro dokaz važinela 365 dive.
E važibaskoro vakti e testeskere dokazeske zavisinela savo testi kjerdžan hem ki savi phuv ka dža. Kontrolirin so važinela odole phuvjake kori ka dža hem ko o phuvja so ka nakhe. Odova šaj te dikhe ko Sweden Abroad.
E sastljaribaskoro dokaz važinela 180 dive taro o datum taro tlo angluno pozitivno testeskoro rezultati.
Kote sikavava mlo kovideskoro dokaz?
O kovid dokaz, maškar aver, ka sikavelpe ko granicakoro nakhiba pri ID-kontrola. O kovid dokaz ka valjani te ovel dostupno telo tlo soro drumo.
Ma te bistre ko dovolno vakti angleder te cide ko drumo, te kontrolirine so važinela odole phuvjake kote so ka dža. Teljar i aplikacia UD Resklar dobibaske aktuelno informacia tle drumoskere cileske.I E ambasaden isto isi aktuelno informacia ko Sweden Abroad.
Ko save phuvja važinela o kovid dokaz?
O kovid dokaz važinela pri džajba drumo ko phuvja ko EU hem avera phuvja ki Evropa ama na ko avera kontinentia.
Spisako bašo phuvja kote so važinela kovid dokaz.
Proverin so važinela tle drumoskere cileske. Odova šaj te dikhe ko Sweden Abroad.
Mora te ovel man digitalno poštakoro sanduko či te dobinav mlo kovid dokaz?
Na, nae nisavo zahtev bašo digitalno poštakoro sanduko, ama odova tano lokho, sigurimo hem funkcirinela šukar sar kjedibaskoro than. Isto šaj te šparine hem te printine tlo kovid dokaz direktno taro o digitalno ured so koristinea.
So te kjerav te o doze nedostainena ko mlo kovid dokaz?
Primetin so e vakcinaciakoro dokaz NAE automatikane ažuririmo e dozengere gendencar/broencar keda tano ko tlo digitalno poštakoro sanduko (ko misal Kivra, e-Boks, Billo ja upravakiri pošta/Min myndighetspost). Ka valjani te ikale nevo dokaz, keda priminea nevi doza.
Keda i informacia baši tli vakcinacia sikavelape ko vakcinaciakoro dokaz šaj te pišinel ja:
”Doza 1 taro 2” ja
”Doza 2 taro 2” ja
"Doza 3 taro 3" ja
"Doza 4 taro 4" ja
"Doza 5 taro 5"
Te tle doze nae tačno:
1. Kontrolirin so nakhle hemhari evda dive keda vakcinirindžan tut.
2. Le nevo dokaz ko Covidbevis.se te nakhlo jekh dive hem rat taro odova dive keda hemkasno odova kjerdžan.
3. Ispraviba ko sistemi kjerelape soro vakti – adžiker disavo dive hem pale pokušin, te nedostainena tuke doze ko tlo kovid dokaz.
4. Te probindžan o uprune korakia hem tu pale dikhea isto vakcinaciakoro dokaz šaj te pokušine te koristine aver ured, probin ko kompjuteri te angleder probindžan ko telefoni ja obratno. (O purano vakcinaciakoro dokaz šaj panda tano ko ured.)
5. Te ikaldžan vakcinaciakoro dokaz pali tli jekhto doza hem bičhaldžapes ko tlo digitalno poštakoro sanduko, ka valjani te ikale nevo vakcinaciakoro dokaz ko Covid.se pali tli dujto doza.
Vakcinaciakoro dokaz na ažuririnelape automatikane keda tano ko tlo digitalno poštakoro sanduko (ko misal Kivra, e-Boks, Billo ja Min myndighetspost /Organ upravakiri pošta).
6. Te sledindžan sa o uprune korakia hem tlo vakcinaciakoro dokaz panda tano pogrešno hem uskoro ka cide ko drumo, bičhal jekh e-pošta ki amari usluga mušterienge ko covidbevis@ehalsomyndigheten.se. Vaker tlo anav, telefoneskoro gendo, e vakcinaciakoro datum hem ko savo regioni sian vakcinirimo.
Šaj isi razno sebepia so našti te dikhe sa tle doze. O hemčesto sebepi so o doze nedostainena tano so o informacie na resle te prenesinenpe taro sastipaskoro dejdžia ko Nacionalnikano registar vakcinenge, kotar so o informacie prenesinenape ko vakcinaciakoro dokaz. Ka valjani te nakhel maksimalno evta dive angleder e vakcinakere doze ka izvestinenpe ko Nacionalnikano registar vakcinenge.
O regionia tane odgovorno o vakcinacie te izvestinenpe ko Nacionalnikano registar vakcinenge, kotar so o informacia lenapes ko vakcinaciakoro dokaz. Sako regioni zauzvrat angažirinela razno vakcinatoren.
Te nakhle pobut taro evta dive hem i doza panda nedostainela ko tlo kovid dokaz, kontaktirin e E – uprava sastipaske ki usluga mušterienge prekal covidbevis@ehalsomyndigheten.se.
Te ali disavi greška pri tle vakcinaciakoro izvestiriba, amen ka uputina tut sar šaj te dobine pomoč ko tlo regioni.
Soske sikavelape sade jekh datum baši vakcinacia ko mlo vakcinaciakoro dokaz?
E vakcinaciakoro dokaz sikavela te primindžan jekh, duj, trin ja štar doze. Ko misal pišinela ”Doza 2 taro 2”, te primindžan duj doze. Te primindžan trin doze pišinela ”Doza 3 taro 3” hem te primindžan štar doze pišinela ”Doza 4 taro 4”.
Ama sikavela sade jekh datum. Pišinela telo o naslov ” Datum baši paluni vakcinacia”. Znači primetin so pišinelape sade o paluno vakcinaciakoro datum.
Sar ka dobinav ja te obnovinav jekh vakcinaciakoro dokaz?
Jekh vakcinaciakoro dokaz na dobinea automatikane pali tli vakcinacia, nego tu ka valjani stalno te rode jekh dokaz. O dokaz ni na ažuririnelape automatikane palo tlo dodatno vakciniriba e dozencar.
Šaj te le vakcinaciakoro dokaz džajbaja ko www.covidbevis.se hem te sledine o instrukcie odote. Isto važinela te valjani te rode nevo dokaz, sebepi so e važibaskoro vakti ko trenutno dokaz više na važinela ja uskoro nae te važinel.
Te na sine tut e-legitimacia ja adresa ki matično evidencia tegani šaj panda te čitine akate sar ka kjere.
Šaj manušen kas nae švedikano matično gendo te dobinen vakcinaciakoro dokaz?
Te sian vakcinirimo ki Švedia, isi tut koordirimo gendo hem nae tut adresa ki matično evidencia tegani ka koristine i blanketa Naručiba vakcinaciakoro dokaz- tuke kas nae adresa ki matično evidencia ki Švedia (Ordering a vaccination certificate - if you do not have a registered address in Sweden)
O dokaz ka bičhavelpe ko jekh zastupniko hem ka dobine najava keda šaj te vazde o lil.
Te sine tut adresa ki matično evidencia šaj te koristine i blanketa Naručiba vakcinaciakoro dokaz (Ordering a vaccination certificate).
Te sian sine vakcirimo ki Švedia hem nae tut lično – ja koordirimo gendo tegani dobindžan tle vakcinacie registririme ko rezervirimo gendo. Ka valjani te kontaktirine e sastipaskere služba ko tlo regioni prekal 1177.se či te dobine vakcinaciakoro dokaz.
Te primindžan tli vakcinacia ko rezervirimo gendo
Te isi tut švedikano matično gendo ama primindžan tli vakcinacia registririmi ko rezervirimo gendo ja koordirimo gendo tegani šaj te obratine tut ko tlo vakcinatori hem te zamoline olen te registririnen i vakcinacia ko tlo matično gendo.
Angleder sium sine vakcinirimo ki aver phuv hem mli aver doza ka priminav ki Švedia. Šaj te dobinav jekh važimo vakcinaciakoro dokaz?
Te sian sine vakcinirimo ki aver phuv hem ka primine jekh dopunsko doza i preporuka tani te priminela ola ki Švedia.
- Le tuja hem sikav soro dokumentacia bašo tle prethodno vakcinacie tari aver phuv. Tegani e sastljaribaskoro dejdžia so vakcinirinela tut, ka proceninel savi doza ka primine hem te registririnel točno doza ko sastipaskoro kartoneskoro sistemi hem ko Nacionalnikano registar vakcinenge.
- Palo evta dive šaj te le tlo vakcinakoro dokaz ko www.covidbevis.se te sine tut švedikano matično gendo hem e-legitimacia.
Te na sine tut e-legitimacia šaj te obratine tut ki jekh apoteka hem te dobine pomoč printibaja tlo vakcinakoro dokaz.
Me sium švedikano državjani ama vakcinirimo avrialdan taro EU/EES, sar šaj te dobinav švedikano vakcinaciakoro dokaz?
Tu so vakcinirindžan tut ki jekh phuv avrialdan EU/EES šaj te obratine tut ko jekh taro o Državno uslugengiri centareskiri odbirimi uslugengiri kancelaria. Ola kontrolirinena i dokumentacia bašo vakcinacie izvšime ki trito phuv.
Mislin ko odova so isi pobut uslovia so valjani te pherenpes.
- Ka valjani te ove vakcinirimo protiv kovid-19 jekhe vakcinaja soj tani priznaimi ki EU ja jekh vakcina soj tani ko WHO: ro spisako bašo hitno priznaime vakcine.
EU- priznaimi vakcina (Državno zavod iljačengoro vebthan)
WHO:ro spisako bašo hitno priznaime vakcine (WHO: ro vebthan)
- Tu primindžan i hempaluni vakcinacia ki jekh seria ki trito phuv hem ka šaj te sikave identiribaskere dokumentia hem orginalno dokumentia bašo vakcinacie so dobindžan.
Či te dobinelpe švedikano vakcinaciakoro dokaz ka valjani te ove uvedimo ki matično evidencia ki Švedia hem te ovel tut jekh digitalno poštakoro sanduko so priminela organ upravakiri pošta.
Uslovia dobibaske pomoč vakcinaciakoro dokaz ko Državno uslugengoro centar.
Šaj te džav ko bilo save uslugengere kancelarie ko Državno centar uslugenge so izdavinena vakcinaciakoro dokaz e švedžanenge so vakcinirinenape protiv kovid 19 ki jekh phuv avrialdan EU/EES?
Oja, tu šaj te rode vakcinaciakoro dokaz kote mangea ko bilo save šov kancelarie. Na kjeljela nisavi uloga kote sian uvodimo ki matično evidencia sa dok sian uvodimo ki matično evidencia ki Švedia.
Me sium vakcinirimo ko inostravstvo hem pučava man te mle doze registririnenape ki Švedia?
E vakcinaciakere doze so primindžan ko inostranstvo našti te registririnenpes ko Nacionalnikano registar vakcinenge ki Švedia. Ama šaj te dobine vakcinaciakoro dokaz izdavimo zavisno tari tli vakcinaciakiri dokumentacia, te pherdžan disave zahtevia so zavisinena ki savi phuv vakcinirindžan tut.
Kobor sigate palo mlo vakciniriba šaj te dobinav mlo vakcinaciakoro dokaz?
I vakcinacia mora hemanglal te izvestinelpe ko Nacionalnikano registar vakcinenge (NVR). Odoleske ka valjanen cirka evta dive pali i vakcinacia angleder te dobine tlo vakcinaciakoro dokaz.
De tut godi so ko disave slučaevia šaj te dobine tlo vakcinaciakoro dokaz angleder te koristinelpe te khuve ki jekh phuv. Isi disave phuvja so zahtevinena so nakhle 14 dive pali tli hempaluni vakcinaciakiri doza či te priznainen o dokaz. Ka valjani te proverine o propisia ki odoja phuv kote so ka dža.
Dodžan ko vakti so važinela tle drumoskere cileske, dikh ko Ministeriumo bašo avrune bučengiri aplikacia Resklar hem e Ambasadengoro vebthan Sweden Abroad.
Sar te šparinav mlo vakcinaciakoro dokaz keda ka ikalav ole ko Covid.se?
Te sine tut digitalno poštakoro sanduko e vakcinaciakoro dokaz bičhavelape odote automatikane.
Šaj isto te šparine tlo dokaz ki amari usluga. Adžahar ka kjere:
Te ljiljan e vakcinaciakoro dokaz ko mobilno:
- Šaj te bičhale o dokaz ko tlo kompjuteri (ko misal sar e- pošta) hem te printine ole taro tlo kompjuteri, ja bičhal ole SMS:a.
- Šaj te le jekh skrinšot hem te šparine o dokaz sar jekh slika ko tlo mobilno.
- Šaj te dikhe ole ko tle lende fajlia telo ”Mlo vakcinaciakoro dokaz” (Mitt vaccinationsbevis).
Te liljan e vakcinaciakoro dokaz ko kompjuteri:
- Šaj te le skrinšot.
- Šaj te dikhe ole ko tle lende fajlia telo ”Mlovakcinaciakorodokaz” (Mittvaccinationsbevis) hem te printine o dokaz odotar.
Šaj te šparine tlo dokaz hem palo odova te arakhe ole telo mle lende fajlia.
Valjani te lav dopunsko doza či te cidav ko drumo?
Keda vakcinirindžan tut protiv kovid -19 duje dozencar tli vakcinacia važinela 270 dive. O sebepi tano so e vakcinakoro deluiba tiknarelape hem odoleske valjani jekh dopunsko doza. O čhave hem o terne telo 18 berš na astarenape taro o 270-divengoro pravilo. Odova odlučindža o EU.
Keda ljiljan tli dopunsko doza ka valjani te ponovine tlo vakcinaciakoro dokaz te mangljan te koristine ole ko džajba drumo. Dža ko www.covidbevis.se
Koj šaj te dobinel vakcinaciakoro dokaz ki apoteka?
Te na sine tut e-legitimacia, ama isi tut švedikano matično gendo/ imuniteteskoro gendo hem sian vakcinirimo ki Švedia šaj te obratine tut ki jekh apoteka či te dobine vakcinaciakoro dokaz.
Keda mangea jekh vakcinaciakoro dokaz ki apoteka ka potvrdine tlo matično gendo hem ka identifirine tut jekhe ki Švedia priznaime id-dokumentea.
Šaj sa o apoteke ki Švedia te ponudinen o šaipa te dobinav mlo vakcinaciakoro dokaz printimo?
Oja, sa o fizikane apoteke ki Švedia (1400 kotora) šaj te ponudinen akava šaipa.
Ko Švediakoro apotekakoro udružibaskoro vebthan šaj te arakhe jekh apoteka
So kerava te e apotekakoro personali vakerela so našti te dobinav vakcinaciakoro dokaz?
Isi pobut sebepia akaleske. Šaj na nakhlo but vakti pali tli vakcinacia, hem o doze na resle te izvestirinenpe ko Nacionalnikano registar vakcinacienge.
Šaj tle vakcinacie na registririndžepe ko tlo matično gendo nego registririndžepe ko kaske vakerelape rezervirimo gendo – ko akava čani ka kontaktirine e sastipaskere službaja ko tlo regioni so šaj te del tut vakcinaciakoro dokaz. Ko www.1177.se arakhea i informacia bašo tlo vakcinaciakoro dokaz tuke so dobindžan tle vakcinacie ko rezervirimo gendo.
Šaj tle vakcinacie registririndžepe ko tlo koordirimo gendo. Tegani šaj te poručine jekh vakcinaciakoro dokaz prekal i blanketa Naručiba vakcinaciakoro dokaz (Ordering a vaccination certificate). Te na sine tut adresa prema i matično evidencia šaj te koristine i blanketa Naručiba vakcinaciakoro dokaz tuke kas nae adresa prema i matično evidencia ki Švedia (Ordering a vaccination certificate - if you do not have a registered address in Sweden) O dokaz šaj te bičhavelpes sar preporučimo lil ki adresa so saopštindžan ola.
Šaj vakcinirindžan tut avrialdan tari i Švedia - te sian vakcinirimo ko disave avera phuvja kola tane priključime ko EU:ro sistemi bašo digitalnikane kovid dokazia, šaj te rode kovid dokaz odole phuvjatar.
Akate tano o spisako bašo sa o phuvja soj tane uključime ko sistemi.
Te sian vakcinirimo ki jekh phuv avrialdan taro EU/EES, ama isi tut adresa prema i matično evidencia ki Švedia hem isi tut digitalno poštakoro sanduko, ka kontaktirine e Državno uslugengoro centar (Statens Servicecenter), so ka šaj te potvrdinel tli dokumentacia hem ka osigurinel te dobine vakcinaciakoro dokaz, dendo tari E – uprava sastipaske.
Save testia tane priznaime bašo testiribaskoro dokaz?
O NAAT-testia, RT-PCR-testia) hem o antigentestia (kaske vakerenape sigutne testia) pherena o zahtevia prema EU soj tane priznaime bašo testiribaskoro dokaz.
O testia soj tane priznaime bašo testiribaskoro dokaz mora te uzvršinenpe taro e sastipaskoro - hem sastljaribaskere negakoro personali ja kvalificirimo testiribaskoro personali. Korkorolende testia hem korkoro testia na važinena. O personali mora fizikane te len tutar o testia.
Kote obratinavama te lav jekh testi bašo testiribaskoro dokaz?
Sade privatno sastipaskere dejdžie so lena testia bašo kovid -19 soj tane uključime ki služba Kovid dokaz (Covidbevis). O testia so lenape ki sastipaskiri – hem sastljaribaskiri nega tane sikavibaske tekovno kovid-19 infekcia či te čhinaven e infekciakoro širiba. Te testirinelpe dikhibaske te manuš tano sasto či te džalpe ko drumo ta računinelape sar sastipaskiri – hem sastljaribaskiri nega.
Spisako bašo save privatno sastipaskere dejdžie tane uključime- ki služba Kovid dokaz.
Kobor vakti nagleder o džajba drumo ka testirinav man?
Razno phuvjen isi razno zahtevia. E važibaskoro vakti tano ko opšto sade disave dive (počesto 48 ja 72 sahatia). Angleder te dža ko drumo mora te proverine so važinela baš tle drumoskere cileske hem ko phuvja so ka nakhe. Pazin ko odova ko e važibaskoro vakti računinelape taro o dive keda kerdžan o testi, a na keda dobindžan o rezultati ja keda izdavindžape e testiribaskoro dokaz.
Kaske tano e sastljaribaskoro dokaz?
E sastljaribaskoro dokaz tano jekh alternativa namenimo manušenge soj nae vakcinirime.
Pobutenge tano poednostavno hem posigutno te dobinelpe vakcinaciakoro dokaz ja testiribaskoro dokaz namesto sastljaribaskoro dokaz.
Te sian vakcinirimo protiv kovid-19 šaj te le tlo vakcinaciakoro dokaz ko covidbevis.se. Tegani na valjani tuke jekh sastljaribaskoro dokaz.