Driftinformation
E-hälsomyndighetens driftleverantör har störningar som påverkar recepttjänsten. Just nu kan det kan ta lite längre tid att hämta ut läkemedel på apotek.
Adžahar čitinea tlo vakcinaciakoro dokaz
Dobindžan tlo vakcinaciakoro dokaz hem mangea panda te džane so značinela i informacia? Tegani učestvuin ko akava vodiči so objasninela so o dokaz saikerela hem so o različito kotora značinena.
E vakcinaciakoro dokaz saikerela naredno informacia:
1: Prezime hem anav
Tlo soro anav
2: Bijandipaskoro datum
Tlo bijandutno datum.
3: Edinstveno id e dokazeske
Sakone kovid dokaze isi jekh edinstveno identiteskoro gendo. Ki misaleskiri slika upre e identiteskoro gendo tano menimo e x: a .
4: Phuv kote i vakcianacia tani izdavimi
Akate pišinela ki koja phuv sian sine vakcinirimo.
5: O gendo ki jekh seria vakcinacie /doze hem o totalno gendo doze ki seria
Akate pišinela te primindžan doza 1 taro 2, doza 2 taro 2, doza 3 taro 3, doza 4 taro 4 ja doza 5 taro 5. Duj kurke pali tli dujto doza računinea tut vakcinirimo.
6: Nasvalipa ja zarazno materia
Akate pišinela kovid-19
7: O anav e vakcinakoro
Akate pišinela savi vakcina primindžan.
8: Vakcina/profilaks
Akava sikavela so primindžan jekh vakcina protiv kovid-19. (”Covid 19 Vaccine”).
9: Posedovanje bašo odobrimo bikiba hem proizvodiba i vakcina
Akate haljovkerelape savi firma proizvodindža i vakcina.
10: Datum baši hempaluni vakcinacia
Akate pišinela o datum baši tli hempaluni vakcinakiri doza. Posmatrin so sade ka pišinel JEKH datum, o datum baši i hempaluni doza.
11: This certificate is not a travel document/Akava dokaz nae nisavo drumoskoro dokumenti.
Akava formuliriba sade značinela jekh haljovkeriba so o dokaz nae slično e pasovanea, dozvola vozibaske, lično karta ja karta drumoske. O dokaz šaj te koristinelpe pri džajba drumo ko EU hem avera evropakere phuvja so priznainena EU:ro digitalno kovid dokaz, ko misal Norveška, Švajcaria, Island hem Lihtenštajn.