Näin sie luet sinun vaksinasuunitoistuksen
Onkos sulla vaksinasuunitoistus ja halvaat tietää lissää mitä informasuuni tarkottaa? Silloin sie satat ottaa ossaa tästä ophaasta, joka selostaa mitä toistus sisältää ja mitä net eri osat tarkottavat.
Vaksinasuunitoistut sisältää seuraavaa informasuunia
1. Sukunimi ja etunimi
Sinun täyelinen nimi.
2. Syntymätaatumi
Sinun syntymätaatumi.
3. Ynikki id sertifikaatile
Jokhaisella covidtoistuksella oon ynikki itenttiteettinumero. Esimerkkikuvassa ylhäälä itenttiteettinumero oon korvattu x:älä.
4. Maa jossako vaksinasuuni oon myönetty
Tässä seisoo missä maassa sinua oon vaksineerattu.
5. Määrä sarjassa vaksinasuunia/annoksia ja totali määrä annoksia sarjassa
Tässä seisoo jos sie olet ottanu annos 1 yhdestä, annos 2 kahesta, annos 3 kolmesta, annos 4 neljästä elikkä annos 5 viidestä. Kaks viikkoa sinun toisen annoksen jälkhiin sinua räknäthään vaksineeratuksi.
6. Saihraus elikkä tartunta-aine
Tässä seisoo covid-19.
7. Vaksiinin nimi
Tässä seisoo minkä vaksiinin sie olet saanu.
8. Vaksiini/profylaksi
Tämä näyttää ette sie olet saanu vaksiinin covid-19 vasten (”Covid 19 Vaccine”).
9. Omistaja hyväksytylle myynile elikkä vaksiinin valmistaja
Tässä tullee esile mikä yritys oon valmistannu vaksiinin.
10. Taatumi viimi vaksiinile
Tässä seisoo taatumi sinun viimiselle vaksinasuuniannokselle. HUOM ette siinä ei piä seisoa ko YKS taatumi, viimisen annoksen taatumi.
11.This certificate is not a travel document/Tämä toistus ei ole reisutokymentti
Tämä sanamuoto tarkottaa vain selventämistä ette toistusta ei mene verrata passin, ajokortin, id-tokymentin elikkä piljetin kansa ette reisata. Toistusta saattaa ja pittää käyttää reisuissa EU:ssä ja muissa eurooppalaisissa maissa jokka hyväksyvät EU:n tikitaalia covidtoistuksia, esimerkiksi Norja, Sveitsi, Iislanti ja Lichtensteini.