Vaksinasuunitoistus
Jos sinua oon vaksineerattu covid-19 vasten sie saatat laajata alle vaksinasuunitoistuksen e-lekitimasuunila. Jos sulla ei ole e-lekitimasuunia sie saatat käyä aputeekissä joka saattaa auttaa sinua. Sie saatat kansa tilata sinun vaksinasuunitoistuksen kirjottamalla ulos, täyttämällä ja postaamalla planketin E-terhveysvirasthoon.
Tässä oon net eri askelheet ennen ko sie saat sinun tikitaalin toistuksen sinun mupihliin, taattorhiin elikkä syrffiplathaan:
- Vaksineerauta itteä. Seittemän päivän sisäle vaksinasuuni ilmotethaan Kansalisheen vaksinasuunirekisterhiin.
- Lokkaa sisäle e-lekitimasuunila: www.covidbevis.se.
- Noua, kirjota ulos elikkä säästä sinun vaksinasuunitoistus. Ko sie olet noutanu toistuksen se lähätethään kansa automaattisesti sinun tikitaahliin preiviloohvaan, jos sulla oon semmonen.
- Valmis ette käyttää. Muista ette tutkia mikkä säänöt jällaavat sinun reisupaikale.