Näin sie luet sinun parantumistoistuksen
Oleks saanu parantumistoistuksen ja halvaat tietää lissää mitä informasuuni tarkottaa? Silloin sie saatat ottaa ossaa tästä ophaasta, joka selostaa mitä toistus sisältää ja mitä net eri osat tartkottavat.
Parantumistoistus sisältää seuraavaa informasuunia
1. Sukunimi ja etunimi
Sinun täyelinen nimi.
2. Syntymätaatumi
Sinun syntymätaatumi.
3. Ynikki id sertifikaatile
Joka covidtoistuksella oon ynikki identtiteettinumero.
4. Jäsenmaa jossako testi oon otettu
Tässä seisoo missä maassa testi oon otettu.
5. Parantunnu (saihrauesta elikkä tartunta-aihneesta)
Tässä seisoo covid-19.
6. Taatumi ensimäisestä positiivistä testituloksesta (NAAT)
Taatumi ko sie ensinä testasit positiivisti covid-19:ista, yhtheyessä hoijon kansa. (Omapruuinotto ja ittetestit ei jällaa).
7. Voimassa lähtien
Parantumistoistuksen sie et saata saaja ennen ko 11 päivää jälkhiin ko sie ensinä testasit positiivisti.
8. Voimassaolo
Parantumistoistus oon voimassa 180 päivää.
9. This certificate is not a travel document/Tämä toistus ei ole reisutokymentti
Tämä formyleerinki tarkottaa vain selventämisen ette toistusta ei mene verrata passin, ajokortin, id-tokymentin elikkä piljetin kansa ette reisata. Toistusta saattaa ja pittää käyttää ko reisaa EU:ssä ja muissa eurooppalaisissa maissa jokka hyväksyvät covidtoistuksen, esimerkiksi Norja, Sveitisi, Iislanti ja Liechtensteini.